Aashadhi wari 2023 : आषाढी एकादशी आता चार दिवसांवर आली असून वारकऱ्यांच्या सगळ्या दिंड्या आणि पालख्या पंढरपुरापासून हाकेच्या अंतरावर पोहोचल्या आहेत. सर्व वैष्णवांना त्या विटेवर उभा राहिलेल्या सावळ्या विठ्ठलाला डोळे भरून पाहण्याची आणि भेटण्याची आस लागलीये.
टाळ अन् मृदंगाच्या तालावर सगळेजण पायी चालत पंढरीकडे प्रस्थान करतात. जशीजशी पंढरी जवळ येत आहे तसतसा वेगळाच संचार वारकऱ्यांच्या अंगात संचारत आहे. कुणी दिंड्यामध्ये तर कुणी माऊलींच्या, तुकोबांच्या पालखी सोहळ्यात सामील होत पंढरीकडे येतंय. या पालखी सोहळ्यातील वेगळेपण आणि आनंदाचा क्षण म्हणजे रिंगण सोहळा.
रिंगणाचा अभूतपूर्व सोहळा पाहण्यासाठी सगळ्यांना आतुरता असते. रिंगण सोहळ्यामध्ये गायन, भजन, फुगड्या, किर्तन, प्रवचन अन् भजनात सगळेच तल्लीन होत असतात. असा हा वेष्णवांचा मेळा आता लवकरच पंढरीत दाखल होणार आहे. विठ्ठलाला भेटण्याची आस वारकऱ्यांना शांत बसू देत नाहीये. त्यांचा ओसंडून वाहणारा आनंद सदर व्हिडिओमध्ये दिसत आहे.
स्वप्नील मोरे आणि त्यांची टीम व्हर्चुअर वारीच्या माध्यमातून वारी जगभर पोहोचण्यासाठी मागच्या १३ वर्षापासून प्रयत्न करत आहे. व्हर्चुअल दिंडीच्या इंस्टाग्रामवर वारकऱ्याचा हा गोड व्हिडिओ शेअर करण्यात आला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
