मुंबई - देशात भाजपशी दोन हात करण्यासाठी विरोधकांनी इंडिया आघाडी स्थापन केली. या आघाडीमध्ये देशातील प्रमुख राजकीय पक्षांचा समावेश आहे. मात्र महाराष्ट्रातील वंचित बहुजन आघाडी विरोधकांच्या आघाडीमध्ये सामील झालेली नाही. प्रकाश आंबेडकर यांच्या वंचितची उद्धव ठाकरे गटासोबत युती आहे. मात्र ते महाविकास आघाडीचा भाग नाही. हाच धागा पकडून प्रकाश आंबेडकर यांनी काँग्रेस आणि राष्ट्रवादी काँग्रेसवर निशाणा साधला आहे.
प्रकाश आंबेडकरांनी ट्विट करून म्हटलं की, काँग्रेस आणि राष्ट्रवादी काँग्रेस राजकारणात अस्पश्यता पाळतात. आम्हाला केवळ समाजातच अस्पृश्य म्हणून वागलं जात नाही, तर राजकारणातही अस्पृश्य म्हणून वागवलं जात. सनातन धर्म मानणारे भाजप-आरएसएसचे प्रचारक असलेले काँग्रेस आणि राष्ट्रवादी काँग्रेस दोघेही राजकारणात अस्पृश्यता पाळू लागले आहेत.
दरम्यान आबंडेकर पुढं म्हणाले की, इंडिया आघाडीत आमंत्रणाची गरज नव्हती, तर मग तुम्ही इतर पक्षांना आमंत्रणे का पाठवत होते? लालू आणि स्टॅलिन, या शुद्रांमधील वजनदार समाजवादी नेत्यामुळे तुमची गाडी अडली नसती तर त्यांना तुम्ही आमंत्रित केलं असतं का? याबाबत मला शंका असल्याचं आंबेडकर यांनी म्हटलं.
काही दिवसांपूर्वीच मुंबईत इंडिया आघाडीची बैठक पार पडली. या बैठकीत २८ राजकीय पक्ष सामील झाले होते. मात्र महाराष्ट्रातून वंचित बहुजन आघाडीला आमंत्रण देण्यात आलेलं नव्हतं.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
