![Weather Update](http://media.assettype.com/esakal%2F2024-06%2Fb8ca8c1b-eb78-4973-a695-d6145009c4ba%2FWeather_Update__2_.jpg?w=480&auto=format%2Ccompress&fit=max)
पुणे: सार्वत्रिक लोकसभा निवडणुकीच्या मतमोजणीला मेघगर्जना आणि विजांच्या कडकडाटासह पाऊस हजेरी लावण्याची शक्यता आहे. पुणे जिल्ह्यास सोमवार (ता.३) नंतर ढगाळ हवामानासह पावसाची शक्यता हवामान खात्याने वर्तवली आहे. विशेष म्हणजे तीन दिवस आधीच ४ जून ला नैऋत्य मोसमी वारे तळकोकणात दाखल होण्याचे संकेत हवामान खात्याने दिले आहे.
जूनच्या पहिल्याच दिवशी शहरासह संपूर्ण जिल्ह्यातच आकाश मुख्यतः निरभ्र होते. अंशतः ढगाळ हवामानामुळे काही ठिकाणी उकाडाही जाणवला होता. शनिवारी शहरातील सरासरी कमाल तापमान ३७ अंश सेल्सिअस नोंदविले गेले. रविवारी (ता. २) देखील हवामानाची स्थिती अशीच राहण्याची शक्यता आहे.
मात्र सोमवारनंतर जिल्ह्यात पूर्व मोसमी पावसासाठी पोषक वातावरण राहील, असा अंदाज हवामान खात्याने वर्तविला आहे. त्यामुळे त्यानंतर शहर व जिल्ह्यात पावसाला सुरवात होण्याची दाट शक्यता आहे. पुढील आठवड्याच्या शेवटी मॉन्सून जिल्हा व्यापण्याची शक्यता आहे.
केरळमध्ये वेळेआधी दाखल झालेल्या मॉन्सूनची वाटचाल शनिवारी मंदावली होती. रविवारी (ता. २) मॉन्सूनचे प्रवाह वेग धरण्याची शक्यता असून, ४ जून पर्यंत तळकोकणात मोसमी पाऊस दाखल होण्याचे संकेत हवामान तज्ज्ञांनी दिले आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.