Mumbai Rain : अरे काय चाललंय? मुंबईत धो-धो पाऊस; रात्रीपासून धुमाकूळ सुरुच

राज्यात गेल्या काही दिवसांपासून अवकाळी पावसाचं सावट आहे. दोन दिवसांच्या विश्रांतीनंतर पुन्हा एकदा पाऊस बरसला आहे. मुंबईमध्ये मुसळधार पाऊस झाला असून इतर भागांमध्येही पावसाची शक्यता आहे. (Mumbai Rain updates)

येत्या ३-४ तासांत मुंबई, ठाणे, रायगड जिल्ह्यांतील तुरळक ठिकाणी गडगडाटी वादळासह विजांच्या कडकडाटासह आणि 30-40 किमी प्रतितास वेगाने वाऱ्यासह हलका ते मध्यम पाऊस पडण्याची शक्यता आहे. घराबाहेर पडताना खबरदारी घेण्याचं आवाहन हवामान विभागाने केलं आहे.

मुंबई उपनगरातील अंधेरी, वर्सोवा, बोरिवली परिसरात रात्रीपासून पावसाच्या सरी कोसळत आहेत. जोगेश्वरी, गोरेगाव, मालाड, कांदिवली, बोरिवली दहिसर या सर्व परिसरामध्ये पाऊस सुरू आहे. दिवा, डोंबिवली, कल्याण, उल्हासनगर, अंबरनाथ, बदलापूरमध्येही मध्यरात्रीपासून पाऊस सुरू आहे. तर पुण्यातही ढगाळ वातावरण निर्माण झालं आहे.