Weather Update: महाराष्ट्रात कसं असणार तापमान? थंडी वाढणार की होणार कमी

Weather Update: राज्यात तापमान चांगलेच कमी झाल्याचे पाहायला मिळत आहे. अश्यावेळी येत्या २ दिवसात राज्यात तापमान बदल होण्याची शक्यता वर्तवली जात आहे.

राज्याच्या किमान तापमानात वाढ झाली जरी असली तरी संपूर्ण राज्यात येत्या आठवड्यात थंडी अजूनच वाढेल असे म्हटले जात आहे.

उत्तर भारतात थंडी कमी-अधिक होत आहे. मंगळवारी (ता. २६) राजस्थान येथील अलवर येथे देशाच्या सपाट भूभागावरील नीचांकी ५.५ अंश सेल्सिअस तापमानाची नोंद झाली होती. पंजाब, हरियाना, चंडीगड, दिल्ली, उत्तर प्रदेशमध्ये अनेक भागांत चांगलीच थंडी पाहायला मिळत आहे. पुण्यातही जानेवारीच्या पहिल्या आठवड्यात थंडी वाढणार असल्याचे म्हटले जात आहे. याच बरोबर मराठवाड्यात अनेक जिल्ह्यांमध्ये थंडी वाढेल असे म्हटले जात आहे.