राज्यामध्ये ऑक्टोबर हिटचे चटके जाणवायला सुरुवात झाली आहे. पुढील दहा राज्यात उन्हाच्या झळा जाणवण्याची शक्यता आहे. आगामी 10 दिवसांमध्ये तापमानात 1 ते 2 अंश सेल्सिअसची वाढ होऊ शकते, असा अंदाज वर्तवण्यात आला आहे. सध्या विदर्भातील तापमान सरासरी 35 अंशांवर आहे. तर मराठवाडा, उत्तर महाराष्ट्र, मध्य महाराष्ट्रातही तापमानाचा पारा 34 अंशांवर आहे.
पुढील दहा दिवस राज्यात ऑक्टोबर हिटच्या झळा जाणवतील, त्यानंतर तापमानामध्ये घट होऊन थंडीला सुरूवात होईल. गेल्या वर्षीच्या तुलनेत यंदा ऑक्टोबरमधील तापमानात सरासरी 1.5 अंश सेल्सिअसने वाढ झालेली आहे.
दरम्यान पुणे शहर आणि परिसरात उन्हाचे चटके अधिक जाणवत असून, दुपारनंतर अंशतः ढगाळ वातावरणामुळे उकाड्यातही वाढ होत आहे. पुढील चार ते पाच दिवस हवामानाची स्थिती अशीच कायम राहणार असल्याची शक्यता हवामानशास्त्र विभागाने वर्तविली आहे. त्यामुळे पुणेकरांना उकाडा आणि उन्हाचा ताप असाच जाणवणार आहे.
गेल्या आठवडाभरात शहरातील कमाल तापमान हे सरासरीपेक्षा काहीसे वाढले असून, गुरुवारी (ता. १२) शहरात ३३.८ अंश सेल्सिअस कमाल तापमानाची नोंद झाली. तापमानात साधारणपणे सरासरीपेक्षा २ ते ३ अंशांची वाढ कायम आहे. त्यामुळे उन्हाच्या झळा तीव्र होत आहेत.
दरम्यान, कमाल तापमानात झालेली वाढ अशीच कायम राहणार असून पुणे व परिसरात अधूनमधून अंशतः ढगाळ वातावरणाचे सावटदेखील पाहायला मिळणार आहे. राज्यात विदर्भ आणि कोकणचा काही भाग वगळता उर्वरित राज्यातून मॉन्सून बाहेर पडला असून, उष्णता आणि कोरड्या हवामानाची स्थिती आहे.
यामुळे राज्यातील बऱ्याच ठिकाणी कमाल तापमानात वाढ होत असून, 'ऑक्टोबर हिट'चा प्रभाव चांगलाच जाणवत आहे. गुरुवारी (ता. १२) राज्यातील उच्चांकी तापमानाची नोंद अकोला येथे ३७.५ अंश सेल्सिअस इतकी झाली. विदर्भात उन्हाचा चटका वाढत असून, बहुतांश ठिकाणी पारा ३५ अंशांच्या पुढे आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
