देशातील बहुतांश राज्यांमध्ये हवामानात मोठे बदल दिसून येत आहे, आगामी काळात दिल्ली-एनसीआरमध्येही भरपूर पाऊस आणि थंडी पडण्याची शक्यता आहे. हवामान खात्याच्या अंदाजानुसार, आज 22 डिसेंबर रोजी आकाश ढगाळ राहील. याशिवाय आज (शुक्रवारी) रात्री पावसाची शक्यता आहे.
उत्तर भारतात थंडी वाढली उत्तर भारतात थंडीची तीव्र लाट आली आहे. उत्तरेकडील थंड वारे महाराष्ट्राकडे आल्याने राज्याच्या तापमानाचा पारा घसरला आहे. विदर्भ, उत्तर महाराष्ट्रासह राज्यात गारठा कायम असला, तरी किमान तापमानात मात्र चढ-उतार होत आहेत. राज्यात सर्वाधिक किमान तापमान गोंदिया येथे नऊ अंश सेल्सिअस नोंदले गेले.
पंजाबमधील लुधियाना येथे गुरुवारी (ता. २१) नीचांकी २.८ अंश सेल्सिअस तापमानाची नोंद झाली. पंजाब, हरियाणा, चंडीगड, दिल्ली, उत्तर प्रदेश, राजस्थान, मध्य प्रदेश, छत्तीसगड, बिहार, झारखंड आणि अंतर्गत ओडिशामध्ये अनेक भागांत किमान तापमान ४ ते ८ अंशांच्या दरम्यान आहे.
पुण्यात किमान तापमानात चढ-उतार
शहरात थंडी एकसलग नसून कधी कमाल तापमान सरासरीपर्यंत खाली उतरत आहे तर, कधी सरासरीपेक्षा तीन ते चार अंश सेल्सिअसने वाढत आहे. पुढील तीन ते चार दिवसांमध्ये किमान तापमान १३ ते १४ अंश सेल्सिअसपर्यंत राहील, असा अंदाज हवामान खात्याने शुक्रवारी शहरात शनिवारी (ता. १६) किमान तापमानाचा पारा १२ अंश सेल्सिअसपर्यंत खाली उतरला होता. त्यानंतर मंगळवारपर्यंत (ता. १९) १५.२ अंश सेल्सिअसपर्यंत वाढलेला किमान तापमानाचा पारा बुधवारपर्यंत (ता. २०) पुन्हा १२ अंश सेल्सिअसपर्यंत घसरला.
आता तोच पारा गुरुवारी (ता. २१) सकाळी साडेआठ वाजेपर्यंत १४.९ अंश सेल्सिअस वाढला आहे. पुढील चार दिवसांमध्ये शहरात आकाश निरभ्र राहण्याची शक्यता असून, किमान तापमानाचा पारा शिवाजीनगर परिसरात १३ ते १४ अंश सेल्सिअस नॉदला जाईल. तर, लोहगावमध्ये तो १६ ते १७ अंश सेल्सिअसपर्यंत वाढेल, असा अंदाज वर्तविण्यात आला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
