मुंबई : राज्यातील वाढत्या कोरोनाच्या संसर्गाच्या पार्श्वभूमीवर वीकेंड लॉकडाऊन किंवा नाईट कर्फ्यू लागणार का? याबाबत आरोग्य मंत्री राजेश टोपे (Rajesh Tope) यांनी स्पष्टीकरण दिलं आहे. राज्यातील ज्येष्ठ नेते शरद पवार यांच्यासोबत आज आरोग्य विभागाची आढावा बैठक पार पडली. या बैठकीनंतर टोपे माध्यमांशी बोलत होते. या बैठकीला गृहमंत्री दिलीप वळसे-पाटील हे देखील उपस्थित होते. (Weekend Lockdown or Night Curfew)
टोपे म्हणाले, "राज्यात लॉकडाऊन आणि नाईट कर्फ्यूबाबत चर्चा झाल्या आहेत. पण याबाबत अद्याप कुठलाही निर्णय झालेला नाही. यावर मुख्यमंत्री उद्धव ठाकरे हे निर्णय घेतील. यासंदर्भात त्यांच्याशी सविस्तर चर्चा होणं अद्याप बाकी आहे"
शरद पवारांनी आरोग्य विभागाकडून संपूर्ण स्थितीची आढावा घेतला. यामध्ये आमच्याकडून त्यांनी काय करावं? काय करु नये? याची माहिती घेतली. त्यांच्या मागणीनुसार आज संध्याकाळी पवारांना आरोग्य विभागाकडून ही माहिती देण्यात येईल. मुख्यमंत्री आणि शरद पवार यांची रोज सकाळी सात वाजता फोनवरुन डिटेल चर्चा होते. त्यांच्यामध्ये राज्यातील परिस्थितीबाबत माहितीची देवाण-घेवाण होत असते, असंही यावेळी राजेश टोपे यांनी सांगितलं.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
