काँग्रेस नेते आणि खासदार राहुल गांधी यांच्या नेतृत्वात सुरू झालेली भारत जोडो यात्रा सध्या महाराष्ट्र राज्यात आहे. दोन दिवसांपूर्वी राहुल गांधी यांनी पत्रकार परिषदेत स्वातंत्र्यावीर सावकर यांच्यावर केलेल्या वक्तव्यामुळे देशभर गोंधळ सुरू झाल्याचे दिसून येत आहे. या सर्व घटनेचे पडदास राज्यातील राजकारणावर उमटताना दिसून येत आहेत. यासंबधी माजी मंत्री आदित्य ठाकरे यांनी मोठं वक्तव्य केलं आहे.
शिवसेना पक्षप्रमुख उद्धव ठाकरे आणि खासदार संजय राऊत यांनी याबाबतीत भूमिका स्पष्टपणे मांडली. त्यांच्या भूमिकेशी मी देखील सहमत आहे, असं आदित्य ठाकरे यांनी म्हटलंय. पण आपण सगळे 50 वर्षांपूर्वी किंवा 100 वर्षांपूर्वी कोण योग्य आणि कोण अयोग्य होतं यावर सगळे भांडायला लागलो, आणि असंच चालत राहिलं तर भविष्यासाठी कोण भांडणार?, असा प्रश्न आदित्य ठाकरे यांनी उपस्थित केला आहे.
शिवसेना खासदार संजय राऊत यांनी राहुल गांधी यांच्या वक्तव्याचा निषेध केला होता. तर राहुल गांधी यांच्या वक्तव्याला शिवसेना समर्थन करणार नाही, असं संजय राऊत म्हणाले होते. तर दुसरीकडे माजी उद्धव ठाकरे यांनीही राहुल गांधी यांच्या वक्तव्याला समर्थन दिलं नाही.
दरम्यान, राहुल गांधी यांच्या भारत जोडो यात्रेत ठाकरे गटाच्या नेत्यांनी हजेरी लावली होती. स्वत: आदित्य ठाकरे देखील यात्रेत सामील झाले होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
