मुंबईः वंचित बहुजन आघाडीचे नेते प्रकाश आंबेडकर यांनी आज खुलताबाद शहरातील औरंगजेबच्या कबरीला भेट दिली. या भेटीनंतर आंबेडकरांनी पतिक्रिया देताना औरंगजेबाने पन्नास वर्ष राज्य केलं हे कोणला मिटवता येणार नाही, अशी प्रतिक्रिया दिली.
यावर आता शिवसेना आक्रमक झाल्याचं दिसून येत आहे. शिवसेनेचे नेते संजय शिरसाठ यांनी बोलतांना, औरंगजेबच्या कबरीला फुलं वाहण्यामागे आंबेडकरांची भूमिका काय? असा प्रश्न उपस्थित केला आहे.
औरंगजेबाच्या कबरीला भेट दिल्यानंतर ते म्हणाले की, इथं भद्रा मारुतीचं मंदिर आहे. या मारुतीच्या मंदिराने देखील आम्हाला मदत केली आहे. त्यांना कसलाही आक्षेप नाहीये, त्यालाही मी असंच संध्याकाळी भेट देतो आहे. भारताच्या दृष्टीकोनातून खुलताबाद हे एक ऐतिहासिक शहर आहे. याचा लोकांनी विचार करावा. नावावरून जो भांडण लावण्याचा प्रकार चालला आहे त्यांना एवढंच सांगतो की, औरंगजेबाने पन्नास वर्ष राज्य केलं ते कोणाला मिटवता येणार नाही, असं प्रकाश आंबेडकर म्हणाले.
काय म्हणाले संजय शिरसाठ?
औरंगजेबच्या कबरीला फुलं वाहण्यामागे प्रकाश आंबेडकरांची भूमिका काय आहे?
प्रकाश आंबेडकरांनी असं केल्याने त्यांना मतं मिळणार नाहीत
मला हे अपेक्षित नव्हतं. त्यांच्यासारखा विद्वान नेता असं करेल वाटत नव्हते.
यामुळे त्यांच्याविषयी राग, द्वेष मनात आलेला आहे
प्रत्येकाला काहीतरी वेगळं ट्वीस्ट करायचं असतं. परंतु यांना लोकं चांगलं म्हणत नाहीत
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
