Maharashtra Politics : अजित पवारांचं नक्की चाललंय काय? हा प्रश्न सध्या राज्याला पडला आहे. अचानक दौरे रद्द करणं, नॉट रिचेबल होणं, यामुळे अजित पवार आता पुन्हा बंड करणार, भाजपासोबत युती करणार, अशा अनेक चर्चांना उधाण आलं आहे. अशातच अजित पवारांनी एक ट्वीट करत आपल्या कार्यक्रमाविषयी माहिती दिली आहे.
अजित पवारांनी ट्वीट करत याविषयीची माहिती दिली आहे. आपल्या ट्वीटमध्ये अजित पवार म्हणाले, "सोमवारी माझा कोणताही नियोजित कार्यक्रम नव्हता. मी मुंबईतच आहे. उद्या, मंगळवार १८ एप्रिल २०२३ रोजी मी विधानभवनातील माझ्या कार्यालयात उपस्थित राहणार असून कार्यालयाचे नियमित कामकाज सुरु राहणार आहे." (Latest Marathi News)
मंगळवारी मी आमदारांची बैठक बोलावल्याच्या बातम्या काही माध्यमातून प्रसिद्ध होत आहेत, त्या पूर्णत: असत्य आहेत. मी आमदार अथवा पदाधिकाऱ्यांची बैठक बोलावली नाही, असंही अजित पवारांनी स्पष्ट केलं आहे.
खारघरमध्ये रविवारी झालेल्या ‘महाराष्ट्र भूषण’ पुरस्कार सोहळ्यात झालेल्या दुर्घटनेत मृत्यूमुखी पडलेल्या श्रीसदस्यांच्या कुटुंबियांना व उष्माघातामुळे बाधित झालेल्या श्रीसदस्यांना भेट देऊन त्यांना धीर देण्यासाठी मी ‘एमजीएम’ हॉस्पिटलमध्ये सोमवारी पहाटेपर्यंत उपस्थित होतो, असं अजित पवार यांनी आपल्या ट्वीटमध्ये म्हटलं आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
