नागपूर : विदेशी मद्यावरील उत्पादन शुल्कात ५० टक्के कपात करण्याचा निर्णय राज्य सरकारने घेतला आहे. त्यामुळे नववर्षापूर्वीच व्हिस्की (Whiskey), स्कॉचचे (Scotch) दर घसरणार असल्याची भेट मिळाली आहे. मात्र, अद्यापही उत्पादन कंपन्यांनी राज्य उत्पादन शुल्क विभागाला आपले दर सादर केलेले नसल्याने मद्य विक्रीचे दर जाहीर झालेले नाहीत. त्यामुळे विक्रेत्यांमध्ये अद्याप संभ्रमाचे वातावरण निर्माण झालेले (Waiting for new rates) आहे. ग्राहकांकडूनही विक्रेत्यांना त्याबद्दल सतत विचारणा होत आहे.
आघाडीचे विदेशी ब्रँड महागडे असल्याने राज्यात हे मद्य पिणाऱ्यांची संख्या फार कमी आहे. त्यामुळे क्वचित ठिकाणी हे ब्रँड राज्यातील बार किंवा शॉपमध्ये आढळून येतात. मात्र, आता उत्पादन शुल्कात ३०० टक्क्यांवरून १५० पर्यंत कपात केली आहे. यामुळे या ब्रँडच्या किमती घटणार आहे. छोटे दुकानदार, व्यावसायिकांनासुद्धा आता हे महागडे ब्रँड विक्रीस ठेवता येणार असल्याचे दुकान मालकांचे म्हणणे आहे.
नववर्षांपूर्वीच व्हिस्की, स्कॉचचे घसरलेले दर जाहीर झाल्यास राज्य उत्पादन शुल्क विभागाचा महसूलसुद्धा वाढण्याची शक्यता दर्शविण्यात येत आहे. सध्या इतर राज्याच्या तुलनेत महाराष्ट्रात (Highest rates in Maharashtra) व्हिस्की, स्कॉचचे दर सर्वाधिक आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
