आर्यन एका ठिकाणी बॅग घेऊन बसलेला असताना एका व्यक्तीने काढलेला सेल्फीही चर्चेत आला होता.
एनसीबीने कारवाई केल्यानंतर या प्रकरणात शाहरुख खानचा मुलगा आर्यन खानला अटक केली गेली. यानंतर क्रूझवरचे फोटो, व्हिडिओ, कारवाईवेळचे काही फोटो आणि व्हिडिओ व्हायरल होत आहेत. यामध्ये आर्यन एका ठिकाणी बॅग घेऊन बसलेला असताना एका व्यक्तीने काढलेला सेल्फीही चर्चेत आला होता. हा सेल्फी एनसीबीच्या अधिकाऱ्याने कारवाई करताना काढल्याचं म्हटलं जात होतं.
एनसीबीने खुलासा करत संबंधित व्यक्ती एनसीबीचा अधिकारी नाही आणि फोटो कारवाईच्या आधी काढलेला असल्याचं स्पष्ट केलं. त्यानंतर सेल्फी काढणारी व्यक्ती कोण अशीही चर्चा रंगली होती. आता राष्ट्रवादी काँग्रेसचे नेते आणि मंत्री नवाब मलिक यांनी पत्रकार परिषदेत दोन व्यक्तींची नावे घेतली त्यापैकी एक केपी गोस्वामी या व्यक्तीने सेल्फी काढला असल्याचं म्हटलं जात आहे.
मुंबईत कार्डेलिया क्रूझवर एनसीबीने केलेल्या कारवाईबाबत आता महाविकास आघाडीतील मंत्री नवाब मलिक यांनी प्रश्न उपस्थित केले आहेत. एनसीबीने केलेली कारवाई खोटी आहे असंच म्हणावं लागेल असं त्यांनी म्हटलंय. कारवाईवेळचे जे फोटो व्हायरल झाले ते क्रूझवरचेच होते याचे पुरावे एनसीबीने द्यावे. याशिवाय मनीष भानुशाली कोण आहे याचीसुद्धा माहिती मिळायला हवी. या प्रकरणात तो पुढे दिसत होता. संबंधित व्यक्तींच्या जवळ असणारा मनीष भानुषाली कोण याचा उलगडा व्हायला हवा अशी मागणी नवाब मलिक यांनी केली. तसंच केपी गोस्वामी याचे नाव घेत नवाब मलिक यांनी प्रश्न विचारला की, अधिकारी अशा व्यक्तींच्या माध्यमातून खंडणी घेतात का?
नवाब मलिक यांनी नाव घेतलेला केपी गोस्वामी हा केपीजी ड्रिम्स सोल्युशन कंपनीचा मालक आहे. फेसबुकच्या माध्यमातून नोकरीची ऑफर देण्याचं काम यातून केलं जायचं. तीन वर्षांपूर्वी २०१८ मध्ये त्यानं नोकरीचे आमिष दाखवून युवकाची फसवणूक केल्याचं समोर आलं होतं. पुण्यातील एका २२ वर्षीय तरुणाला मलेशियात हॉटेलमध्ये नोकरी देण्याचं आमिष दाखवलं होतं. त्यानतंर संबंधित व्यक्तीकडून तीन लाख रुपये घेऊन फसवणूक केल्यानंतर केपी गोस्वामी विरोधात फरासखाना पोलिसात तक्रारही दाखल करण्यात आली होती. याबाबत २०१८ मध्ये पुणे मिररने वृत्त प्रसिद्ध केले होते.
केपी गोसावी याच्या सेल्फीवरून यांनी सचिन सावंत यांनी भाजपसह एनसीबीच्या कामावर शंका व्यक्त केली. खाजगी लोक क्रूझवरील एनसीबी छाप्यात कसे? कोणत्या अधिकाराने? भाजपचा उपाध्यक्ष व एक फसवणूकीचा आरोपी यात आरोपींना ताब्यात घेताना कसे दिसतात? यांच्या गाडीवर "पोलीस" पाटी कशी? NCB ने त्यांचे काम भाजपाला दिले आहे का? अशी प्रश्नांची सरबत्तीच सावंत यांनी केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
