नागपूरः नागपूर विधानभवनासमोर एका तरुणीने आत्मदहनाचा प्रयत्न केला आहे. पोलिसांच्या सतर्कतेमुळे अनर्थ टळला.
मागील काही दिवसांपासून राज्यामध्ये महापुरुषांबद्दल अवमानजनक बोललं जात आहे. त्याच संतापामधून नागपूरमध्ये तरुणीने आत्मदहनाचा प्रय़त्न केला आहे.
हिवाळी अधिवेशनाचा आजचा पाचवा दिवस आहे. सभागृहामध्ये कामकाज सुरु असतांनाच तरुणीने एकच गोंधळ करत आत्मदहन करण्याचा प्रयत्न केला. गेटवर उपस्थित असलेल्या पोलिसांनी तातडीने धाव घेत तरुणीला रोखलं.
हेही वाचाः Love Jihad: प्रेमाला धर्म आहे...?
दरम्यान, कर्नाटक सरकारपेक्षाही प्रभावी ठराव, सोमवारी आपण सभागृहात आणणार आहोत अशी माहिती मंत्री शंभूराज देसाई यांनी दिली.
विधानसभेच्या विद्यमान सदस्य मुक्ता टिळक यांचं दुःखद निधन झाल्यामुळे शोक प्रस्ताव आज सभागृहात मांडण्यात आला. शोक प्रस्तावानंतर सभागृहाचे कामकाज आपण करीत नाही. त्यामुळे सोमवारी हा प्रस्ताव मांडण्यात येईल, अशी माहिती राज्याचे उत्पादन शुल्क मंत्री तसेच महाराष्ट्र कर्नाटक सीमावाद समन्वय समितीचे सदस्य शंभूराज देसाई यांनी प्रसिद्धी माध्यमांशी बोलतांना दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
