अधिवेशनात आक्षेपार्ह वर्तणुकीबाबत सर्वपक्षीय बैठकीत महत्त्वाचा निर्णय

विधानसभेच्या हिवाळी अधिवेशनात (winter Session) काही सदस्यांनी केलेले अंगविक्षेप आणि हावभाव यावर सर्वपक्षीय बैठक आज पार पडली. आमदारांच्या आचारसंहितेबाबत कामकाज सल्लागार समिती कक्षात सर्वपक्षीय बैठक झाली. यामध्ये उपमुख्यमंत्री अजित पवार (Ajit Pawar), जयंत पाटील (Jayant Patil), देवेंद्र फडणवीस (Devendra fadanvis), बाळासाहेब थोरात (Balasaheb Thorat), अनिल परब (Anil Parab), अजय चौधरी (Ajay Chaudhari) आदी उपस्थित होते. भास्कर जाधव (Bhaskar Jadhav) आणि नितेश राणे (Nitesh Rane) यांनी केलेल्या आक्षेपार्ह हातवारे आणि हावभावच्या बाबत समन्वय समितीची बैठक घेण्यात आली होती.

समन्वय समितीच्या बैठकीत आक्षेपार्ह वर्तन करणाऱ्या आमदारांना समज देण्याचा निर्णय घेतला गेला. आमदारांनी वर्तन नीट ठेवलं नाही तर कडक कारवाई करण्यात येईल. यापुढे आक्षेपार्ह वर्तन करणाऱ्या आमदारांवर अध्यक्ष कारवाई करतील.

अधिवेशनाचे कामकाज सुरळीत पार पडावे. अधिवेशनात सन्मान करा, यात अशा कोणत्या घटना घडू नयेत ज्यामुळे कोर्टाचा हस्तेक्षेप येईल. तो येऊ देऊ नका, पुढील सर्वच अधिवेशनासाठी नियम लागू करण्याचा निर्णय सर्वपक्षीय बैठकीत घेण्यात आला.