Bachchu Kadu : यशोमती ठाकूर-नवनीत राणा यांच्या वादात बच्चू कडूंची उडी; म्हणाले पैसे घेतल्याची...

मुंबई - Navneet Rana Vs Yashomati Thakur : राणा दाम्पत्याविरोधात काँग्रेसच्या आमदार यशोमती ठाकूर चांगल्याच आक्रमक झाल्या आहेत. नवनीत राणा यांच्याविरोधात १०० कोटींचा अब्रुनुकसानीचा दावा ठोकणार असल्याचे ठाकूर यांनी सांगितले आहे. या संपूर्ण प्रकरणावर आता आमदार बच्चू कडू यांची प्रतिक्रिया आली आहे.

बच्चू कडू म्हणाले की, नवनीत राणा जे विधान केलं, त्यावर आम्ही पत्र देणार आहोत. पैसे देणे आणि घेणे दोन्ही चूकच आहे. त्यांनी स्वत: म्हटलं दिले. याची चौकशी व्हायला पाहिजे आणि सत्य समोर यायला हवं, असं बच्चू कडू म्हणाले.

यशोमती ठाकूर यांचं बरोबर आहे. स्वत: उमेदवार म्हणतोय की आम्ही पैसे दिले. मग पहिला दोषी कोण देणारा आणि घेणारा पण तेवढाच दोषी आहे. याची चौकशी झाली पाहिजे, असं बच्चू कडू यांनी स्पष्ट केलं.

यशोमती ठाकूर यांनी लोकसभा निवडणुकीत आमचा प्रचार करण्यासाठी रवी राणा यांच्याकडून कडक नोटा घेतल्याचा आरोप केला होता. त्यावरून यशोमती ठाकूर यांनी अब्रुनुकसानिचा दावा ठोकणार असल्याचं म्हटलं होतं.