सबस्क्राईब करा
मुंबईः काँग्रेस नेते बाबा सिद्दीकी यांनी पक्षाचा राजीनामा दिला आहे. मागच्या ४८ वर्षांपासून ते पक्षाशी एकनिष्ठ होते. चारवेळा राज्यमंत्री आणि तीन वेळा आमदार म्हणून त्यांनी काम केलेलं आहे. ते अजित पवारांच्या राष्ट्रवादी काँग्रेसमध्ये प्रवेश करतील, अशी दाट शक्यता आहे.
काँग्रेसचा राजीनामा दिल्यानंतर बाबा सिद्दीकी यांनी प्रथमच माध्यमांशी संवाद साधला. ते म्हणाले की, मी राजीनामा दिला त्याला काही कारणं आहेत. परंतु अशाकाही गोष्टी असतात त्यावर काही बोलता येत नाही. काहीतरी झालंच असेल त्यामुळे मी पक्ष सोडून बाहेर पडतोय.
सिद्दीकी पुढे म्हणाले की, मी ज्यांच्याकडे प्रवेश घेणार आहे त्यांच्यासोबत पत्रकार परिषद घेऊन सगळं सविस्तर बोलेन. मी एक छोटा माणूस आहे. माझ्यासोबत काही जिल्हा परिषद सदस्य आणि काही नगरसेवक येतील. १० तारखेला आमची सभा होणार असून पुढे काय काय होईल, हे पाहाणं महत्त्वाचं आहे.
बाबा सिद्दीकी यांचे पुत्र आणि आमदार झीशान सिद्दीकी हेसुद्धा काँग्रेसला रामराम करणार का? असा प्रश्न उपस्थित होत आहे. त्यावर बाबा सिद्दीकींनी स्पष्टीकरण दिलंय. ते म्हणाले की, झीशान सिद्दीकी हे स्वतंत्र आहेत. ते स्वतःचा निर्णय स्वतः घेतील. त्याबद्दल तुम्ही त्यांनाच विचारा.
''माझा काँग्रेसमधील प्रवास हा इंदिरा गांधींपासून राहुल गांधींपर्यंतचा आहे. खर्गेजी माझ्या वडिलांसारखे आहेत. पक्ष सोडला असला तरी काही नाती अशी असतात ती तुटत नाहीत.'' असंही शेवटी बाबा सिद्दीकी म्हणाले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
