गोंदिया: नोंदणी प्रमाणपत्र विहित मुदतीत नुतनीकरण न करणे, शिल्लक साठा व दरपत्रक दर्शनी भागात न लावणे यासह अन्य त्रुट्या आढळून आल्याने जिल्ह्यातील ४३ कृषी केंद्रांचे परवाने निलंबित करण्यात आले आहे. कृषी विभागाच्या भरारी पथकाने ही कारवाई केली.
जिल्ह्यात खरीप हंगामाच्या पार्श्वभूमीवर बोगस बि-बियाणे, खते व कीटकनाशकांच्या विक्रीस आळा घालण्यासाठी कृषी विभागाने नऊ भरारी पथके स्थापन केली आहेत. या पथकांमार्फत अचानक तपासणीसाठी धडक मोहीम जिल्ह्यात राबविली जात आहे.
कृषी केंद्राच्या तपासणीवेळी विक्री परवान्यामध्ये उगम प्रमाणपत्राचा समावेश नसणे, नोंदणी प्रमाणपत्र विहित मुदतीत नुतनीकरण न करणे, शिल्लक साठा व दरपत्रक दर्शनी भागात न लावणे, साठा व विक्री रजिष्टर न ठेवणे.
रजिस्टरवरील साठा व प्रत्यक्ष साठा न जुळणे, मुदतबाह्य कीटकनाशक साठा विक्रीसाठी ठेवणे आदी कारणांमुळे ४३ निविष्ठाधारकांचे परवाने निलंबित करण्यात आले आहेत.
त्यामध्ये गोंदिया-७, सडक अर्जुनी-२०, अर्जुनी मोरगाव-११, सालेकसा-३, गोरेगाव-२ (बियाणे-३, रासायनिक खते-३६, कीटकनाशक-४) आदींचा समावेश असल्याची माहिती जिल्हा अधीक्षक कृषी अधिकारी हिंदुराव चव्हाण यांनी दिली.
शेतकऱ्यांनी अधिकृत परवानाधारक कृषी सेवा केंद्राकडून खते, बियाणे व कीटकनाशकांची खरेदी करावी, खरेदी करताना कृषी निविष्ठा केंद्राकडून निविष्ठा खरेदीचे पक्के बिले घ्यावे.
त्यावरील नमूद एमआरपीप्रमाणे मालाची खरेदी करण्यास प्राधान्य द्यावे, तसेच एमआरपी पेक्षा जास्त दराने मालाची विक्री होत असल्यास कृषी विभागाकडे तक्रार करावी. त्याची तत्काळ दखल घेऊन कारवाई केली जाईल.
-हिंदुराव चव्हाण, जिल्हा अधीक्षक कृषी अधिकारी, गोंदिया.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
