The Sabarmati Report Vikrant Massey: २०२३ हे वर्ष खऱ्या अर्थाने गाजवलं ते 12th फेल या सिनेमाने. 12th फेलच्या उत्तुंग यशानंतर विक्रांत मस्से पुन्हा एकदा प्रेक्षकांचे मनोरंजन करण्यासाठी सज्ज झाला आहे. विक्रांत एका ज्वलंत विषयावरील आगामी सिनेमात अभिनय करणार आहे.
विक्रांत एकता कपूरच्या 'द साबरमती रिपोर्ट' नावाच्या पॉलिटिकल थ्रिलर चित्रपटात दिसणार आहे. नुकतंच एकता कपूरचं प्रॉडक्शन हाऊस बालाजी टेलिफिल्म्स लिमिटेडने विक्रांत मस्सेची प्रमुख भूमिका असलेल्या या राजकीय थ्रिलर चित्रपटाच्या प्रदर्शनाची तारीख जाहीर केली आहे.
(12th fail actor vikrant massey new movie the sabarmati report announcement)
द साबरमती रिपोर्ट या चित्रपटात विक्रांत प्रमुख भूमिकेत झळकणार आहे. या चित्रपटात विक्रांतसोबत राशी खन्ना आणि रिद्धी डोगरा देखील महत्त्वाच्या भूमिकेत दिसणार आहेत. हा चित्रपट 3 मे 2024 रोजी थिएटरमध्ये प्रदर्शित होणार आहे.
या चित्रपटाचे दिग्दर्शन रंजन चंदेल यांनी केले आहे. ज्यांनी यापूर्वी ग्रहण ही वेब सिरीज देखील दिग्दर्शित केली होती.
एकता कपूरच्या द साबरमती रिपोर्ट या पॉलिटिकल थ्रिलर चित्रपटाबद्दल बोलायचे झाले तर त्याची कथा सत्य घटनेवर आधारित आहे. 'द साबरमती रिपोर्ट' 27 फेब्रुवारी 2002 रोजी गुजरात राज्यातील गोध्रा रेल्वे स्थानकाजवळ साबरमती एक्स्प्रेसमध्ये घडलेल्या भीषण घटनेवर आधारित आहे.
कंटेंट क्वीन एकता कपूरच्या नेतृत्वाखाली द साबरमती रिपोर्टची निर्मिती होत आहे.
'12th फेल' या सिनेमात विक्रांतची प्रमुख भूमिका होती. आता द साबरमती रिपोर्टमध्ये विक्रांतसोबत जवान फेम अभिनेत्री रिद्धी डोगरा आणि राशि खन्ना झळकणार आहेत.
३ मे २०२४ ला हा सिनेमा थिएटरमध्ये झळकणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
