72 Hoorain Trailer: जिहादी होऊन मेले पण 72 हूरें काही भेटेना? सेन्सॉर बोर्डाच्या बंदीनंतरही काळजाचा धरकाप उडवणारा ट्रेलर रिलीज

72 Hoorain Trailer Release: मनोरंजन विश्वात गेल्या काही दिवसापासून '72 हूरें' या चित्रपटाची चर्चा होती. त्यातच सेन्सॉर बोर्डाने या चित्रपटाच्या ट्रेलर रिलीजला मान्यता दिली नाही.

CBFC च्या या निर्णयानंतर पुन्हा एकदा अभिव्यक्ती स्वातंत्र्य आणि भाषण स्वातंत्र्य या मुद्द्यांवर वाद सुरू झाला आहे. आता चित्रपटाचे निर्माते सीबीएफसीच्या निर्णयाविरोधात माहिती आणि प्रसारण मंत्रालयाकडे जाण्याच्या तयारीत आहेत. या वादादरम्यानच आता निर्मात्यांनी आता '72 Hoorain' चित्रपटाचा ट्रेलर रिलीज केला आहे.

सेन्सॉर बोर्डाच्या निर्णयानंतर चित्रपटाच्या निर्मात्यांनी दुसऱ्याच दिवशी डिजिटल पद्धतिने चित्रपटाचा ट्रेलर रिलिज केला. मात्र, त्याच्या मंजुरीशिवाय हा सिनेमा चित्रपटगृहात प्रदर्शित करता येणार नाही.

काळजाचा धरकाप उडवणारा हा टिझर विचार करण्यास भाग पाडतोय. ट्रेलरच्या सुरुवातीलाच '72 हूरें'चा उल्लेख आहे. एक दाढीवाला व्यक्ती 72 हूरें बद्दल तेथे बसलेल्या लोकांना माहिती सांगत आहे. तो त्याच्या भाषणाने लोकांना प्रभावित करत असतो. त्यानंतर ते लोक जिहादी झाल्याचं दिसत.

गेटवे ऑफ इंडिया येथे झालेल्या बॉम्बस्फोटाची झलक या ट्रेलरमध्ये दिसते जी पाहिल्यानंतर अंगावर काटा येतो. यात अनेक दहशतवादी हल्ला आणि घातपाताची घटना दाखवल्या आहे. ज्यात दोन व्यक्ती मेल्यानंतर '72 Hoorain'ची प्रतिक्षा करतांना दिसतायं.

शेवटी त्यांना कळते की तेव्हा त्यांना कळतं की मौलवीने हूरें बद्दल सांगतलेल्या गोष्टी खोट्या आहेत.

दोनदा राष्ट्रीय पुरस्कार मिळवणारे संजय पूरण सिंह यांनी या चित्रपटाचे दिग्दर्शन केले आहे. तर किरण डागर, गुलाब सिंग तन्वर, अनिरुद्ध तन्वर या चित्रपटाची निर्मिती करत आहेत. तसेच अशोक पंडित या चित्रपटाचे सहनिर्माते आहेत. हा चित्रपट 7 जुलै रोजी प्रदर्शित होईल.