विकी कौशल(vicky Kaushal) आपल्या अभिनयानं बॉलीवूडमध्ये स्वतःची वेगळी ओळख निर्माण केली आहे. उरी,राझी संजू,मसान,सरदार उधम सिंह,लस्ट स्टोरीज अशा सिनेमांतून वेगवेगळ्या भूमिका साकारत विकीनं आपल्या चाहत्यांच्या संख्येत स्वबळावर वाढ केली आहे. सोशल मीडियावर देखील त्याला फॉलो करणाऱ्यांची संख्या काही कमी नाही. पण असं असूनही काही दिवसांपूर्वीपर्यंत इतर अनेक सेलिब्रिटींप्रमाणे विकीलाही सोशल मीडियावर अनेकदा ट्रोल केलं गेलंय.
एका मुलाखतीत विकीवरील त्या ट्रोलिंगचा उल्लेख केला गेला अन् अनेकांसाठी तो चर्चेचा विषय ठरला. एका नेटकऱ्यानं चक्क विकीला म्हटलं होतं,'आयुष्यात यश मिळाल्यावर सलमान खानसारखं बनू नकोस'. फिल्मफेअरच्या मुलाखतीत विकीला त्याच्या या ट्रोलिंगवर उत्तर द्यायला सांगितलं होतं. त्यावर विकीनं ज्या पद्दतीनं प्रश्नाला चकमा दिला होता तो पाहण्यासारखा होता. पहिलं तर विकी दोन मिनिटं काही बोलूच शकला नाही पण नंतर लगेच ''हा फिर?'' असं बोलून पुढच्या ट्रोलिंग ट्वीटकडे वळूया म्हणाला. आता सलमानशी पंगा घेतल्यावर काय होतं हे विकीला चांगलंच माहित असणार. तेव्हा स्वतःहून आगीत कोण उडी मारायला जाणार. तेव्हा विकीनं सुवर्णमध्य साधत प्रश्नाला व्यवस्थित कलाटणी देत पुढे निघून गेला.
विकी आणि कतरीना लग्नानंतर पहिल्यांदाच स्टायलिश रेड कार्पेट लूकमध्ये दिसले ते अपूर्वा मेहताच्या बर्थ-डे पार्टीत. ही पार्टी करण जोहरनं अपूर्वसाठी आयोजित केली होती. या पार्टीत कतरिना सुपरहॉट आणि विकी एकदम रॉकिंग अंदाजात दिसत होते. या दोघांनी लग्नानंतरची त्यांची पहिली होळी देखील आपल्या कुटुंबासोबत साजरी केली. विकी लवकरच 'सॅम बहादूर' सिनेमात दिसणार आहे. विकी सोबत या सिनेमात सान्या मल्होत्रा देखील काम करीत आहे. 'गोविंदा नाम मेरा','अश्वत्थामा','तख्त' असे विकीचे सिनेमे देखील रांगेत आपल्या भेटीस येत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
