Aai Kuthe Kay Karte: 'आई कुठे काय करते' मालिकेत ट्वीस्ट, आशुतोषचं निधन; नेटकरी संतापून म्हणाले, "काय फालतुगिरी आहे..."

Aai Kuthe Kay Karte: छोट्या पडद्यावरील आई कुठे काय करते (Aai Kuthe Kay Karte) ही मालिका प्रेक्षकांचे मनोरंजन करते. या मालिकेतील कलाकारांच्या अभिनयाला प्रेक्षकांची पसंती मिळते. तसेच या मालिकेत अनेक ट्वीस्ट देखील येत असतात. अशातच आता आई कुठे काय करते या मालिकेत मोठा ट्वीस्ट आला आहे. अरुंधतीचा दुसरा पती आशुतोषचं निधन झालं आहे. अशातच आता आशुतोषची आई अरुंधतीला घराबाहेर काढणार आहे, असं या मालिकेच्या नव्या प्रोमोमध्ये दिसत आहे.

आई कुठे काय करते मालिकेत मोठा ट्वीस्ट

नुकताच आई कुठे काय करते या मालिकेचा एक प्रोमो सोशल मीडियावर शेअर करण्यात आला आहे. या प्रोमोमध्ये दिसत आहे की, आशुतोषच्या फोटोला हार घातला आहे आणि फोटोजवळ बासून अरुंधती रडत आहे, फोटोचा हार खाली पडतो. तो हार व्यवस्थित फोटोला घालण्यासाठी अरुंधती उठते, पण आशुतोषची आई तिला थांबवते. आशुतोषची आई अरुंधतीला घराबाहेर काढते पण कांचन अरुंधतीला म्हणतात, मी अरुंधतीला घेऊन जायला आले आहे. या प्रोमोला कॅप्शन देण्यात आलं, "सुरु होणार अरुंधतीचा नवा प्रवास..."

नेटकऱ्यांच्या कमेंट्स

आई कुठे काय करते या मालिकेच्या प्रोमोला अनेक नेटकऱ्यांनी कमेंट्स केल्या आहेत. काहींनी या मालिकेला ट्रोल केलं आहे. एका नेटकऱ्यानं कमेंट केली, "प्रवासात उलट्या होतायत लोकांना आता" तर दुसऱ्या युझरनं कमेंट केली, "काय फालतुगिरी आहे फक्त वेगवेगळ्या लोकांशी लग्न हेच आयुष्य आहे का आजकाल मराठी मालिकामध्ये सतत लग्न आणि अफेअर इतकंच दाखवून समाज बिघडवण्याचं काम चालू आहे.", "हे देवा.. अजुन काय पाहावा लागणार. खरच कलाकर आणि दिग्दर्शन यामुळे अजुन तरी आम्ही मलिका बघत आहोत, नाहीतर कथानक पांचट आहे.", अशी कमेंट केली एका नेटकऱ्यानं केली.

पाहा प्रोमो:

आई कुठे काय करते मालिकेची स्टार कास्ट

आई कुठे काय करते या मालिकेत अरुंधती ही भूमिका मधुराणी प्रभुलकर या साकारतात. तसेच या मालिकेत रुपाली भोसले आणि मिलिंद गवळी हे देखील भूमिका साकारतात.

(Arundha is the star cast of the series)