Aamir Khan: आमिर खान अडकला चेन्नईच्या वादळात, साऊथ अभिनेता आला मदतीला धावून

Chennai Cyclone Updates Aamir Khan: बंगालच्या उपसागरात निर्माण झालेल्या ‘मिचाँग’ या तीव्र चक्रीवादळामुळे चेन्नईमधील दैनंदिन जीवनावर परिणाम झालाय.

बदललेल्या हवामानाचा तमिळनाडूची राजधानी चेन्नईला फटका बसला. चेन्नईसह नजीकच्या जिल्ह्यांमध्ये झालेल्या जोरदार पावसामुळे अनेक भागांत पूरस्थिती निर्माण झाली.

अशातच एक मोठी बातमी समोर येतेय ती म्हणजे, चेन्नईच्या पूरजन्य परिस्थितीत प्रसिद्ध अभिनेता आमिर खान सुद्धा अडकलाय. त्याच्या मदतीला विष्णु विशाल हा साऊथ अभिनेता धावून आलाय.

(Aamir Khan stuck in Chennai Cyclone Michaung)

पुरात आमिर अडकला, साऊथ अभिनेत्याने केली मदत

साऊथ अभिनेता विष्णू विशालसुद्धा चेन्नईच्या पुरात अडकला होता. त्याने त्याच्या सोशल मीडिया हँडलवर सुटका झाल्याचे उघड केले आहे.

सामान्य नागरिकांना वाचवण्यासाठी बोटी तैनात करण्यात आल्याचे दोन फोटो त्यांनी शेअर केली. या फोटोंमध्ये आमिर खान देखील दिसत आहे.

मिचौंग या चक्रीवादळाने चेन्नईमध्ये कहर केला आहे, शहरात जोरदार वादळामुळे मुसळधार पाऊस पडत आहे. दोन दिवसांपासून शहर ठप्प झाले आहे. आता, करापक्कममध्ये अडकलेला अभिनेता विष्णू विशाल याने अग्निशमन आणि बचाव विभागाने आपली सुटका केल्याचे उघड झाले आहे. यावेळी विष्णुने पुरात अडकलेल्या आमिरची सुद्धा मदत केली, असं दिसतंय.

घरात पाणी घुसलं, मोबाईलला नेटवर्क नाही

विशालने चेन्नईमधील भयानक चक्रीवादळ मिचौंगचा सामना करतानाचे फोटो X वर शेअर केलेत. विशालने लिहिले, "माझ्या घरात पाणी शिरत आहे आणि करपक्कममध्ये पाण्याची पातळी वाईटरित्या वाढत आहे. मी मदतीसाठी कॉल केला आहे. वीज नाही, वायफाय नाही, फोनला नेटवर्क नाही. फक्त टेरेसवर एका विशिष्ट ठिकाणी मला थोडंसं नेटवर्क मिळेल, अशी आशा. मोबाईलला नेटवर्क आलं तर येथील लोकांना काहीतरी मदत मिळेल. मला चेन्नईतील लोकांसाठी वाईट वाटते. #staystrong.