Ira Khan and Nupur Shikhare's wedding: सध्या सर्वत्र आमिर खानची लेक आयरा खानच्या लग्नाची चर्चा आहे. आमिर खान आणि रीना दत्ताची मुलगी आयरा तिचा प्रियकर नुपूर शिखरेसोबत लग्नगाठ बांधणार आहे.
3 जानेवारी म्हणजेच आज सर्व कुटुंबीयांच्या उपस्थितीत दोघेही मराठमोळ्या पद्धतीने लग्न करणार आहेत.
कालपासून आयरा आणि नुपूरच्या लग्नापुर्वीच्या विधींना सुरुवात झाली आहे. सोशल मीडियावर बरेच व्हिडिओ समोर आला आहे. आमिरच्या दोन्ही पुर्व पत्नींचा मराठमोळा लूक देखील व्हायरल झाला होता.
सध्या आयरा आणि नुपूरच्या प्री-वेडिंग फंक्शनचे काही फोटो समोर आले आहेत. आमिरची लेक आयरा अन् नुपुरनं देखील काही फोटो सोशल मिडियावर शेयर केले आहेत.
या फोटोंमध्ये आयरानं गोल्डन ब्लाउजसह मरून साडी नेसली होती. तर नुपूर शिखरेने मरुन कुर्त्यावर गोल्डन ब्राऊन जॅकेट आणि डोक्यावर फेटा बांधला होता. दोघेही एकमेकांना घास भरवत होते. सध्या दोघांचे फोटो सोशल मिडियावर व्हायरल होत आहेत.
तर ही पोस्ट शेयर करत नुपूर शिखरेने कॅप्शनमध्ये लिहिले, 'आयरा खान, आणखी एक दिवस तूझी नवरा होण्यासाठी. मी तुझ्यावर खूप प्रेम करतो.'
सध्या आयरा अन् नुपूरच्या पोस्टवर नेटकरी कमेंट करत आहेत. अनेकांनी तिला लग्नासाठी शुभेच्छा दिल्या आहेत. तर अनेकांनी जोडीचं कौतुक केलं आहे.
आयरा खानचा होणारा पती नुपूर शिखरे हा एक प्रसिद्ध फिटनेस ट्रेनर आहे. तो आमिर खानचा ट्रेनरही असून तो आयरालाही फिटनेस ट्रेनिंग देत होता. यादरम्यान दोघांमध्ये जवळीक वाढली आणि त्यांनी एकमेकांना डेट करायला सुरुवात केल्याचे सांगितले जाते. नुपूर बॉलिवूड अभिनेत्री सुष्मिता सेनचा देखील ट्रेनर आहे. आयरा आणि नुपूर या दोघीही एकमेकांच्या कुटुंबाच्या खूप जवळ आहेत. आता त्याच्या लग्नाची चाहत्यांना उत्सुकता आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
