Video: भटक्या कुत्र्यांसोबत वाढदिवशी रमली अभिनेत्री अभिज्ञा भावे

अभिनेत्री अभिज्ञा भावेनं(Abhidnya Bhave) केवळ मराठीच नाही तर हिंदी मालिकांमधनही काम करुन आपली ओळख निर्माण केली आहे. 'पवित्र रिश्ता २' मध्ये ती अंकिता लोखंडे सोबत काम करताना दिसत आहे. अभिज्ञानं मालिकांमधून नेहमी खलनायिका पात्र रंगवून प्रेक्षकांची मनं जिंकली आहेत. अभिज्ञाला मुक्या प्राण्यांविषयी खूप प्रेम आहे. पण यासाठी केवळ घरात त्यांना पाळलं यावर ती समाधानी नाही तर ती खऱ्या अर्थानं त्यांच्यासाठी जमेल तंस कामही करते हे नुकतंच तिच्या वाढदिवसाच्या निमित्तानं दिसून आलं आहे.

आज असे आपण किती जणं असू जे रस्त्यावर एखादा मुका प्राणी जखमी झालाय,किंवा त्याला पाणी हवंय,तो भुकेनं व्याकूळ दिसतोय हे पाहिल्यावर किंवा लक्षात आल्यावर त्याच्या जवळ जातो आणि मदत करण्याचा प्रयत्न करतो. अर्थात आपल्यापैकी खूप कमी जणं असे करत असतील. अनेकदा मदत कराविशी वाटत असूनही आपण घाबरून दूर पळतो,त्यांंना दगड मारतो. पण समाजात काही असे लोक आहेत जे या रस्त्यावर फिरणाऱ्या भटक्या मुक्या प्राण्याचे मदतनीस आहेत. त्यांच्यासाठी मनापासून काहीतरी ते करतात. यात सर्वसामान्यांपासून काही सेलिब्रिटींचाही समावेश आहे. मराठी-हिंदी मालिकांतून काम करणारी अभिनेत्री अभिज्ञा भावे ही त्यापैकीच एक.

अभिज्ञानं यंदा आपला वाढदिवस खूप आगळ्या-वेगळ्या पद्धथीनं साजरा केला. तिनं आपला पती मेहूल पै सोबत जवळपासच्या काही स्ट्रे डॉग्ज शेल्टरना भेट देऊन त्यांच्यासोबत आपला वाढदिवसाचा दिवस साजरा केला. तिनं त्या संदर्भात व्हिडीओ पोस्ट शेअर केलीय. तिनं व्हिडिओ पोस्ट करताना लोकांना आवाहन केलंय की मुक्या प्राण्यांना आपली गरज असते तेव्हा सहाय्य करा. ते स्वतःची मदत करण्यात असमर्थ असातात तेव्हा त्यांना दगड न मारता समजून घ्या. तिनं खूप काकुळतीनं ही पोस्ट लिहिली आहे. बातमीत तिची पोस्ट आणि तिनं भटक्या कुत्त्र्यांसोबत साजरा केलेल्या आगळ्या-वेगळ्या वाढदिवसाचा व्हिडीओ जोडला आहे. अभिज्ञा भावे हिचा नवरा मेहूल पै हा सध्या कॅन्सरच्या आजाराशी झुंज देत आहे. त्याच्यावर उपचार सुरू आहेत. काही दिवासंपूर्वी मेहूलनेच यासंदर्भात माहिती दिली होती. मेहूलही तिचा हा आगळा-वेगळा वाढदिवस साजरा करताना तिच्यासोबतच होता.