Abhidnya Bhave: अभिज्ञा भावे अबूधाबीतील प्रसिद्ध मशिदीत कुटुंबासोबत फोटो व्हायरल..चर्चांना उधाण

Abhidnya Bhave News: अभिनेत्री अभिज्ञा भावे सोशल मीडियावर कायम चर्चेत असते. अभिज्ञाचे फोटो, व्हिडिओ आणि मालिका तिच्या फॅन्सना प्रचंड आवडतात. अभिज्ञा सध्या एका खास कारणामुळे चर्चेत आली आहे. ती म्हणजे अभिज्ञा भावे दुबईतील मशिदीत गेली आहे. त्यामुळे चर्चांना उधाण आलंय.

अभिज्ञा तिचा नवरा मेहुल पै सोबत अबू धाबी मधील प्रसिद्ध अशा शेख झायेद ग्रँड मशिदीत गेली. तिथे अभिज्ञाने नवरा मेहुल पै आणि सासू सोबत खास फोटोशूट केलं. अभिज्ञाने खास अंदाजात मशिदीला भेट दिली.

अभिज्ञाच्या या फोटोंवर तिच्या फॅन्सनी कमेंट केली आहे. अभिज्ञा आणि मेहुलच्या या फोटोंवर लव्ह रिॲक्ट करून चाहत्यांनी पसंती दर्शवली आहे.

अभिज्ञाने राखाडी रंगाचा ड्रेस परिधान केला असून त्यावर पांढऱ्या रंगाची ओढणी कॅरी केलीय. मेहुलने सुद्धा अभिज्ञाला मॅचींग असं राखाडी रंगाचा शर्ट घातला आहे. दुबईतील झायेद ग्रँड मशिद ही मुस्लिम धर्मियांसाठी श्रद्धास्थान आहे.

अभिज्ञा सध्या कोणत्याही नवीन प्रोजेक्ट मध्ये काम करत नाहीये. त्यामुळे सध्या ती कुटुंबाला वेळ देतेय. त्यामुळे अभिज्ञाने नवरा आणि सासू सोबत दुबईमध्ये भटकंती केली.

२०२२ हे वर्ष अभिज्ञा भावे साठी खूप संघर्षदायी ठरलं. मेहुलला कॅन्सरचं निदान झालं आणि अभिज्ञाच्या पायाखालची जमीन सरकली.

मेहुल अक्षरशः मरणाच्या दारातून परत आला. मेहुलचे कॅन्सरवर यशस्वी उपचार झाले. मेहुलच्या या संघर्षमय प्रवासात पत्नी म्हणून अभिज्ञा खंबीरपणे त्याच्या पाठीशी उभी होती.

मेहुलच्या आजारपणाच्या काळात अभिज्ञा तू तेव्हा तशी मालिकेत अभिनय करत होती. मालिकेचं शूटिंग आणि मेहूलचा आजार अशी दुहेरी कसरत अभिज्ञाने केली. या काळात अभिज्ञाचं कुटुंब आणि तिचे फॅन्स तिच्या पाठीशी खंबीरपणे उभे होते. आता सर्व काही सुरळीत झालं असल्याने अभिज्ञा आणि मेहुल दोघेही खुश आहेत.