अभिषेक बच्चन सोशल मीडियावर नेहमीच सक्रिय पहायला मिळतो. त्यामुळे अर्थातच जशी त्यांची प्रशंसा केली जाते तसंच त्याला अनेकदा ट्रोलही केलं जातं. पण अभिषेक ट्रोलिंगला बऱ्याचदा उत्तर देताना दिसतो तेही ट्रोलर्सला चांगलंच फटकारून. आणि ट्वीटरवर त्याला चांगलंच ट्रोलर्सला टोकताना पाहिलेलं आहे. नुकताच अभिषेकनं सोशल मीडियावर ट्रोलर्सना कसं सामोरं जायचं याविषयी ऐश्वर्या आपल्याला मार्गदर्शन करते याचा खुलासा केला आहे.
तो म्हणाला,''माझी बायको ऐश्वर्या मला म्हणाली,तुला १०००० चांगल्या प्रतिक्रिया मिळतात पण एक-दोन वाईट प्रतिक्रियांचा सामना करावा लागतो. तु नेहमी चांगल्या प्रतिक्रियांचा विचार कर आणि सकारात्मक गोष्टींचा आनंद घे. त्यानंतर मी या सगळ्या ट्रोलिंगकडे त्यादृष्टींन पहायला लागलो. मी सकारात्मक,चांगल्या प्रतिक्रिया मनावर घेतो. तुम्ही अपयशाला टाळू शकत नाही,तो मात्र नेहमी तुमच्या आड येण्याचा प्रयत्न करतो. पण त्यातनं बाहेर कसं यायचं हे मात्र जमायलाच हवं. मी अपयशाला,माझ्यावरील टीकांना माझ्यावर आरुढ होऊ देत नाही. मी आता त्यांच्याकडे सकारात्मक नजरेने पाहतो. जे माझ्यासाठी खूप फायद्याचं ठरलं. माझ्या वैयक्तिक आणि व्यावसायिक आयुष्यातही''. म्हणजे आता ट्रोलर्सना अभिषेक देत असलेली उत्तर ऐश्वर्याकडून सुचवलेली असतात हे स्पष्ट झालंय. पण असो,ऐश्वर्यानं जो सकारात्मक राहायचा सल्ला त्याला दिलाय तो आपल्या साऱ्यांनाचा लागू होतो नाही का.
ऐश्वर्यानं अशा पद्धतीनं अभिषेकला पूर्ण बदलून टाकलं. अभिषेक पुढे म्हणाला,''माझं माझ्या कुटुंबावर प्रेम आहे,तसं अनेकांचं असतं. त्यामुळे मी नेहमी सिनेमा निवडताना माझ्या कुटुंबाच्या,मुलीच्या दृष्टिनेही विचार करतो'' असं देखील अभिषेकनं आवर्जुन नमूद केलं.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
