सध्या बॉक्स ऑफिसवर बॉलिवूड आणि टॉलिवूड असा सामना पहायला मिळत आहे. कारण एकिकडे सुपरस्टार अजय देवगणचा 'भोला' तर दुसरीकडे साउथस्टार नानीचा 'दसरा'. रामनवमीच्या मुहूर्तावर या चित्रपटाने बॉक्स ऑफिसवर जोरदार एंट्री तर केली. 30 मार्च रोजी थिएटरमध्ये प्रदर्शित होणाऱ्या या चित्रपटाचा पहिला वीकेंड संपला आहे.
तगडी स्टारकास्ट, चांगले कथानक योग्य दिग्दर्शन असूनही हे चित्रपट प्रेक्षकांना थेअटरमध्ये आकर्षित करु शकले नाही. आता दोन्ही चित्रपटांची अवस्था बिकट दिसत आहे. दोन्ही चित्रपटांनी त्यांच्या पहिल्या सोमवारी फारच कमी कमाई केली आहे.
त्यातच सध्या आयपीएल मोठ्या दणक्यात सुरु आहे. आयपीएलची क्रेझ तर लहानांपासून मोठ्यापर्यंत कायम आहे. त्यामुळे या चित्रपटाच्या कामाईला आयपीएलचा फटका बसला की काय अशीही चर्चा सुरु आहे. आता या चित्रपटाच्या कमाईच्या आकड्यावर नजर टाकूया.
'दसरा'ने बॉक्स ऑफिसवर 23.5 कोटींची कमाई केली, तेव्हा या चित्रपटाची कमाई आणखी वाढू शकते, असं मानले जात होते. मात्र, चित्रपटाची कमाई दिवसेंदिवस कमी होत चालली आहे. sacnilk च्या अंदाजानुसार, पहिल्या सोमवारी म्हणजेच पाचव्या दिवशी नानीच्या चित्रपटाने 4 कोटींचा गल्ला जमवला आहे.
अजय देवगणच्या भोलाबद्दल बोलायचे झाले तर पहिल्या तीन दिवसाच्या तुलनेत रविवारी चौथ्या दिवशी सुट्टी असल्याने कमाईत वाढ झाली. मात्र, पाचव्या दिवशीही चित्रपटाची जादू चालू शकली नाही. सुरुवातीच्या वृत्तानुसार, सोमवारचे कलेक्शन सुमारे 5 कोटी आहे, जे नानीच्या चित्रपटापेक्षा जास्त आहे.
भोलाचे ओपनिंग डे कलेक्शन 11.2 कोटी होते. तर दुसऱ्या आणि तिसऱ्या दिवशी 7.4 कोटी आणि 12.2 कोटी. आणि त्यानंतर चौथ्या दिवशी आतापर्यंतची सर्वाधिक कमाई 13.48 कोटी होती.
सोमवारच्या अंदाजे आकडेवारीनंतर भोला ५० कोटींच्या क्लबमध्ये सामिल होईल. चित्रपटाचे एकूण कलेक्शन 49.28 कोटी असल्याचे सांगितले जात आहे. तर 'दसरा'ने आधीच 50 कोटींचा आकडा पार केला आहे. पाचव्या दिवसाच्या व्यवसायासह या चित्रपटाची एकूण कमाई 61.65 कोटीच्या जवळपास आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
