Hemant Dhome birthday wish to Kshitee Jog: हेमंत ढोमे - क्षिती जोग हे सोशल मीडियावरील चर्चेतलं कपल. हेमंत - क्षिती यांनी अनेकदा सोशल मीडियावर एकमेकांच्या कामाचं कौतुक करत असतात. दोघेही रिअल लाईफमध्ये नवरा - बायको आहेत. हेमंत अनेकदा सोशल मीडियावर क्षितीबद्दल प्रेम दर्शवत असतो.
आज क्षितीचा वाढदिवस. त्यानिमित्ताने हेमंतने क्षितीचा फोटो पोस्ट करुन तिच्याबद्दल खास पोस्ट लिहीली आहे.
हेमंत ढोमेने सोशल मीडियावर क्षितीचा झिम्मा 2 मधला फोटो पोस्ट केलाय. हेमंत लिहीतो,"या फोटोतलं हसू कायम असंच राहूदे! आपल्या लाईफची एनर्जी! जशी आहेस तशीच रहा, मालकीणबाई… वाढदिवसाच्या खूप खूप शुभेच्छा! गेलं वर्ष तर तू गाजवलंस, असंच कमाल काम करत रहा… येणारं वर्ष सुद्धा तुला जे हवं ते देईल! Love you…"
२०२३ हे वर्ष क्षितीसाठी चांगलं गेलं. २०२३ मध्ये क्षितीने आलिया भट - रणवीर सिंगसोबत रॉकी और रानी की प्रेम कहानी सिनेमात काम केलं. करण जोहर दिग्दर्शित रॉकी और रानी की प्रेम कहानी सिनेमात क्षितीने साकारलेल्या भूमिकेचं कौतुक झालं. क्षितीने या सिनेमात रणवीरच्या आईची भूमिका साकारली.
याशिवाय हेमंत ढोमे दिग्दर्शित झिम्मा 2 सिनेमात क्षितीने साकारलेल्या भूमिकेने सर्वांची मनं जिंकली. अशाप्रकारे क्षितीने २०२३ वर्ष गाजवलंय.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
