Kazan Khan Dies: सुप्रसिद्ध अभिनेता कझान खानचे हृदयविकाराच्या झटक्याने निधन, खुनशी खलनायक हरपला

Kazan Khan Dies: गेल्या काही दिवसांमध्ये साऊथ फिल्म इंडस्ट्रीतील अनेक स्टार्स मृत्यूच्या विळख्यात सापडले होते. नुकतेच 'असुरन' चित्रपटाचा सहाय्यक अभिनेता रस्ता अपघातात ठार झाला आणि आता मल्याळम अभिनेता कजान खानने या जगाचा निरोप घेतला आहे. प्रसिद्ध अभिनेते कजान खान यांचे १२ जून रोजी हृदयविकाराच्या झटक्याने निधन झाले. त्यांच्या निधनामुळे दक्षिण चित्रपटसृष्टीला मोठा धक्का बसला आहे.

(actor Kazan Khan dies due to heart attack)

प्रॉडक्शन कंट्रोलर आणि प्रोड्यूसर एनएम बदुशा यांनी फेसबुकवर कजान खान यांच्या निधनाची माहिती दिली. एनएम बदुशा यांनी फेसबुकवर कजान खानचा एक फोटो शेअर केला आहे. कजान खानने 1992 मध्ये सेंथामिझ पटू या चित्रपटातून अभिनय क्षेत्रात पदार्पण केले. यानंतर त्याने 'सेतुपती आयपीएस', 'कलाईगनन', 'मुराई मामन' आणि 'करुप्पा नीला' यांसारख्या चित्रपटांमध्ये काम केले. कजान खानने तमिळ आणि मल्याळम भाषेतील ५० हून अधिक चित्रपटांमध्ये काम केले होते. तो खलनायक आणि नकारात्मक पात्रांसाठी ओळखला जात असे..

कजान खान जेव्हा चित्रपटाच्या पडद्यावर दिसायचा तेव्हा खलनायकाच्या भूमिकेतील त्याचा भयानक अवतार आणि चेहऱ्यावरील हावभाव पाहून प्रेक्षक घाबरायचे. कजान खानने खलनायकाच्या पात्रांनी लोकांच्या हृदयात स्थान निर्माण केले होते आणि तो सर्वांचा आवडता बनला होता. क्वचितच खलनायक साकारणाऱ्या अभिनेत्याला प्रेक्षकांचे इतके प्रेम मिळते