Kiran Mane : अभिनेते किरण माने हाती बांधणार शिवबंधन; आज ठाकरे गटात करणार प्रवेश

Kiran Mane : 'मुलगी झाली हो', 'बिग बॉस मराठी' यासह अनेक मराठी मालिकेच्या माध्यमातून घराघरांत पोहोचलेले अभिनेते किरण माने एका वेगळ्याच कारणामुळे चर्चेत आले आहेत. किरण माने नेहमीच आपल्या वादग्रस्त वक्तव्याने चर्चेत असतात. मात्र, यावेळी चर्चा आहे ती, त्याच्या राजकारणातील प्रक्षप्रवेशाची.

अभिनेते किरण माने आज हाती शिवबंधन बांधणार आहे. शिवसेना उद्धव ठाकरे गटात ते आज प्रवेश करणार आहेत. उद्धव ठाकरे यांच्या उपस्थितीत किरण माने ठाकरे गटात प्रवेश करणार आहे. आज मातोश्रीवरी हा पक्षप्रवेश पार पडणार आहे. बीडसह, मराठवाड्यातील काही कार्यकर्ते हे देखील आज पक्षप्रवेश करणार आहेत.

गेल्या काही महिन्यांपूर्वी भाजपच्या विरोधात भूमिका घेतल्यामुळे आपल्याला एका वाहिनीतून काढल्याचा माने यांनी आरोप केला होता. आता सुषमा अंधारे यांच्या माध्यमातून किरण माने ठाकरे गटात प्रवेश करणार आहेत.

किरण माने अनेकदा वेगवेगळ्या विषयांवर आपली मते व्यक्त करत असतात. त्यामुळे ते अनेकदा ट्रोल देखील होतात. आता ते राजकारणात प्रवेश करणार आहेत.