अलीकडेच, नीता मुकेश अंबानी कल्चरल सेंटर (NMACC) च्या ग्रँड लॉन्चिंग कार्यक्रमाला किंग खान आणि त्याच्या कुटुंबासह देशभरातील आणि जगभरातील सेलिब्रिटींनी हजेरी लावली होती. या कार्यक्रमाचे फोटो सध्या सोशल मीडियावर व्हायरल होत आहेत. या सगळ्या दरम्यान शाहरुख खानची पत्नी गौरी खानने तिच्या आगामी पुस्तकाविषयी पोस्ट केले, ज्यावर किंग खाननेही एक मजेदार कमेंट केली.
गौरीने काळ्या कपड्यांमध्ये फॅमिलीचे फोटो पोस्ट केले होते. त्याच्या कॅप्शनमध्ये तिने लिहिले, "कुटुंब हे आहे जे घर बनवते... पेंग्विनइंडिया कॉफी टेबल बुकसाठी उत्सुक आहे... लवकरच येत आहे."
शाहरुख खाननेही गौरीच्या पोस्टवर मजेशीर कमेंट केली आहे. किंग खानने लिहिले, "यार तू खूप सुंदर मुलांना जन्म दिला आहेस" या जोडप्याला आर्यन खान, सुहाना खान आणि अबराम खान अशी तीन मुले आहेत.
इंटिरियर डिझायनर गौरी खान लवकरच 'माय लाइफ इन डिझाईन' नावाचे नवीन कॉफी टेबल बुक लॉन्च करणार आहे. एबरी प्रेसने प्रकाशित केलेल्या या पुस्तकातून वाचकांना त्यांचा प्रवास जाणून घेता येणार आहे. या पुस्तकात खान कुटुंबाची खास छायाचित्रेही असतील. ज्यामध्ये शाहरुख, त्याची तीन मुले आणि त्याचे मुंबईतील प्रसिद्ध घर, मन्नत यांचा समावेश आहे.
विशेष बाब म्हणजे शाहरुखने गौरीच्या पुस्तकाचा अग्रलेख लिहिला आहे, ज्यामध्ये तिचे काही खास डिझाईन प्रोजेक्ट फोटोंसह दाखवले जाणार आहेत. गौरीने इंटिरिअर डिझायनर बनू इच्छिणाऱ्यांसाठी टिप्सही शेअर केल्या आहेत. तिच्या काही प्रसिद्ध बॉलीवूड ग्राहकांमध्ये करण जोहर, जॅकलीन फर्नांडिस, आलिया भट्ट, सिद्धार्थ मल्होत्रा आणि रणबीर कपूर यांचा समावेश आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.