'चला हवा येऊ द्या'मध्ये अशोक मामांचा अपमान, स्वप्निल जोशीवर होतेय टीका..

chala hawa yeu dya : गेल्या काही वर्षांपासून 'चला हवा येऊ द्या'(Chala Hawa Yeu Dya) हा कार्यक्रम रसिक मनांचं मनोरंजन करत आहे. न थकता,न चुकता कुशल बद्रिके,भाऊ कदम(Bhau Kadam),श्रेया बुगडे(Shreya Bugde),गणेश भारतपुरे,सागर कारंडे,डॉ.निलेश साबळे(Dr.Nilesh Sable) ही टीम रसिकांच्या आनंदासाठी काम करत आहे. याच कार्यक्रमाच्या नव्या पर्वात अभिनेता स्वप्नील जोशी (swapnil joshi) देखील सहभागी झाला. या कार्यक्रमाला चाहत्यांची भरभरून पसंती मिळत असतानाच एक नवा वाद समोर आला आहे. या मंचावर ज्येष्ठ अभिनेते अशोक सराफ यांचा अपमान झाल्याचा दावा चाहत्यांनी केला आहे.

(actor swapnil joshi insult ashok saraf in chala hawa yeu dya on zee marathi)

काही दिवसांपूर्वी ज्येष्ठ अभिनेते अशोक सराफ (ashok saraf) आपल्या 75व्या वाढदिवसानिमित्त 'चला हवा येऊ द्या' या शोमध्ये आले होते. हा एपिसोड टेलिकास्ट झाला तेव्हा या एपिसोडमधील एक गोष्ट प्रेक्षकांना प्रचंड खटकली. त्याचं झालं असं की बॉलिवूडच्या हिंदी चित्रपट जुग जुग जिओचे कलाकार देखील या शोमध्ये प्रमोशन करण्यासाठी आले होते. कियारा अडवाणी, वरुण धवन, अनिल कपूर यांनी शोमध्ये हजेरी लावली होती. त्यावेळी स्वप्निल जोशी आपल्या खुर्चीतून उठून समोर आला आणि अनिल कपूर यांच्यासोबत बसला. या कृतीतून त्याने त्यांच्या प्रती आदर दाखवला.

पण अशोक सराफ यांच्यासाठी मात्र त्याने असे काहीही केले नाही. अशोक मामांसाठी आयोजित खास भाग असूनही स्वप्नीलने त्यांचा आदर राखला नाही, असे चाहत्यांचे म्हणणे. अशोक मामांसारखा दिग्गज मानू समोर येताच त्याने उठून उभे राहणे अपेक्षित होते मात्र तो त्याच्या खुर्चीत बसून राहिला. हे त्याने अत्यंत चुकीचे वर्तन केल्याची टीका चाहते करत आहेत. यावर काही मिम्सही करण्यात आले आहे. हे प्रकरण जुने असले तरी स्वप्नीलय मात्रा आता चांगलेच ट्रोल केले जात आहे. शिवाय मराठी कार्यक्रमातच मराठी कलाकारांना एक आणि बॉलिवूड कलाकरांना एक अशी वेगळी वागणूक का दिली जाते, असा प्रश्नही यावेळी उपस्थित करण्यात आला आहे.