मुंबई : 'कहो ना...प्यार है' या चित्रपटामुळे एका रात्रीत स्टार झालेली अभिनेत्री म्हणजे अमिषा पटेल. या चित्रपटात तिची आणि हृतीक रोशनची जोडी छान जमली होती. त्यानंतर तिने काही चित्रपट केले असले तरी ते फार काही गाजले नाही. चित्रपटसृष्टीपासून बरेच दिवस झाले दूर असलेली अमिषा पटेल आता वेबविश्वात पदार्पण करीत आहे.
गौरांग दोशी प्रॉडक्शन हाऊसची ही वेबसीरीज म्हणजे क्राईम थ्रिलर आहे. 'सेव्हन्थ सेन्स' असे तिचे नाव आहे. करण दारा दिग्दर्शक आहेत. अमिषा पटेलसह प्रतीक बब्बर, आर. माधवन, चंकी पांडे, रोनित रॉय आदी कलाकारही काम करीत आहेत. या वेबसीरीजचे चित्रीकरण दुबई आणि अबुधाबी येथे होणार आहे.
1 ऑगस्ट रोजी पंधरा जणांचे युनिट दुबईला चित्रीकरणासाठी रवाना होत आहे. अमिषाची पहिलीच वेबसीरीज असल्याने ती खूप उत्सुक झाली आहे. ती म्हणते, की हा प्लॅटफॉर्म माझ्यासाठी नवीन आहे आणि मी खूप एन्जॉय करणार आहे. प्रेक्षकांनी मला आतापर्यंत भरभरून प्रतिसाद दिला आणि यापुढेही देतील, अशी आशा आहे.
---
संपादन ः ऋषिराज तायडे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.