क्रिकेटर केएल राहुल आज त्याचा वाढदिवस साजरा करत आहे. या खास प्रसंगी चाहत्यांनी, कुटुंबीयांनी आणि जवळच्या लोकांनी त्याला वाढदिवसाच्या शुभेच्छा दिल्या आहेत. त्याचबरोबर अभिनेत्री अथिया शेट्टीने पती केएल राहुलला वाढदिवसाच्या खास शुभेच्छा दिल्या आहेत. तिने सोशल मीडियावर काही न पाहिलेले फोटो पोस्ट केले आहेत, ज्यामध्ये ती तिच्या पतीसोबत रोमँटिक अंदाजात दिसत आहे.
अथिया शेट्टीने तिच्या इंस्टाग्राम हँडलवर काही फोटोंची झलक दाखवली आहे, ज्यामध्ये ती पती केएल राहुलसोबत दिसत आहे. अथियाने केएल राहुलला मिठी मारली आहे.
अथिया आणि केएल राहुल एकमेकांसोबत क्वालिटी टाइम स्पेंड करत असल्याचे फोटोंमध्ये दिसत आहे. अथियाने या फोटोजला एक गोंडस कॅप्शन दिले आहे. तिने लिहिले, 'हॅप्पी बर्थडे टु माय बिगेस्ट ब्लेसिंग.'
दुसरीकडे, अथिया शेट्टीचे वडील सुनील शेट्टी यांनीही जावई केएल राहुलला वाढदिवसाच्या शुभेच्छा दिल्या आहेत. त्याने त्याच्या इंस्टाग्राम अकाऊंटवर एक फोटो पोस्ट केला आहे, ज्यामध्ये सुनील जावई केएल राहुलच्या कपाळावर टिका लावताना दिसत आहे.
हा फोटो केएल राहुल आणि अथिया शेट्टीच्या लग्नाचा आहे. सुनील शेट्टीने कॅप्शनमध्ये लिहिले की, 'आम्ही भाग्यवान आहोत की तुम्ही आमच्या आयुष्यात आहात. वाढदिवसाच्या शुभेच्छा बाबा.
अथिया शेट्टी आणि केएल राहुलने या वर्षी जानेवारीमध्ये लग्न केले होते. याआधी दोघांनी एकमेकांना बराच काळ डेट केले होते. सुनील शेट्टीच्या फार्म हाऊसवर दोघांच्या लग्नाचे कार्यक्रम पार पडले. या दोघांच्या लग्नाला बॉलिवूड इंडस्ट्रीतील अनेक स्टार्सनी हजेरी लावली होती.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
