Chhavi Mittal: प्रसिद्ध अभिनेत्रीचा भयंकर अपघात, केसांना आग लागून घडलं असं काही की... वाचा सविस्तर

Chhavi Mittal News: नुकतीच टीव्ही इंडस्ट्रीतून एक धक्कादायक बातमी समोर येतेय. टीव्ही अभिनेत्री छवी मित्तलसोबत सेटवर एक भयानक घटना घडल्याची बातमी आहे.

तिच्या केसांना आग लागली आहे. ज्याचा लाईव्ह व्हिडिओ तिने स्वतः इंस्टाग्रामवर पोस्ट केला आहे. यामुळे तिच्या चाहत्यांना धक्का बसला असून काळजी वाटलीय.

(actress Chhavi Mittal terrible accident on set, hair caught on fire)

छवीच्या केसांना लागली आग, काय घडलं नेमकं?

छवी मित्तल सोशल मीडियावर खूप सक्रिय असते. ती दररोज तिचे फोटो आणि व्हिडिओ चाहत्यांसोबत शेअर करत असते. पण नुकतेच छवीने असे काही पोस्ट केले की सर्वांनाच धक्का बसला.

छवीने इन्स्टाग्रामवर व्हिडिओ शेअर केला आहे, ज्यामध्ये ती कोणाशी तरी बोलत असून अचानक तिच्या केसांना आग लागल्याचे दिसते.

मात्र त्याक्षणी तिथे उपस्थित असलेल्या व्यक्तीने ती आग वेळीच विझवली त्यामुळे मोठा अनर्थ टळला. "माझे तिचे केस जळाले का", अशी प्रतिक्रिया छवीने दिली. काही सेकंद काळजाचा ठोका चुकवणारा हा व्हिडीओ सोशल मीडियावर चांगलाच व्हायरल झालाय.

अपघात झाल्यावर छवीची प्रतिक्रीया

हा व्हिडीओ शेअर करताना छवीने कॅप्शनमध्ये लिहिले की, "सेटवर अपघात होतच राहतात, पण मला माझ्या केसांना अचानक लागलेली आग सर्वात भयानक वाटली. ही घटना चुकून कॅमेऱ्यात कैद झाली. करण वीर ग्रोव्हरचेही आभार कारण त्याने आपल्या हातांनी आग विझवून मला वाचवले."

अभिनेत्रीचा हा व्हिडिओ सोशल मीडियावर व्हायरल होत आहे. तसेच चाहतेही यावर प्रतिक्रिया देत आहेत. यावर प्रतिक्रिया देताना बॉलिवूड अभिनेत्री महिमा चौधरीनेही 'अरे देवा' अशी आपली प्रतिक्रिया दिली आहे.