अभिनेत्री मृण्मयी देशपांडे हिची धाकटी बहीण आणि 'झी-मराठी'वरील 'माझा होशील ना' या मालिकेतून घराघरात पोहोचलेली अभिनेत्री गौतमी देशपांडे हल्ली चर्चेत असते ते तिच्या सोशल मीडियावरील वावरामुळे. ती सध्या रिल्स मुळे सोशल मिडियावर प्रचंड सक्रिय असते. दोघी बहिणी सतत काहीतरी नवीन पोस्ट करत असतात. आज जे गौतमीने शेयर केलंय ते पाहून अनेकांची झोप उडाली आहे.
(actress Gautami Deshpande shared video of her food order stole)
गौतमीने सोशल मीडियावर एक व्हिडीओ शेअर करत संताप व्यक्त केला आहे. गौतमीने शेअर केलेला व्हिडीओ सध्या चांगलाच व्हायरल होत असून ती पुन्हा एकदा चर्चेत आली आहे. गौतमीने तिच्या इन्स्टाग्राम अकाऊंटवर एक व्हिडीओ शेअर करत तिची फूड ऑर्डर चोरीला गेल्याचे सांगितले आहे. एवढेच नाही तर या घटनेचा संपूर्ण व्हिडिओ पोस्ट करत तिने आपला संताप व्यक्त केला आहे.
व्हिडीओ शेअर करत गौतमीनं लिहिलं आहे की, 'मी आज तिरामिसूची ऑर्डर दिली होती. जवळपास 1 तास वाट पाहिल्यावर मी डिलिव्हरी बॉयला फोन केला. तेव्हा ते पार्सल चोरीला गेल्याचं त्याने मला सांगितलं. पहिल्यांदा माझा विश्वास बसला नाही. पण नंतर त्याने थेट पार्सल चोरीला गेल्याचा व्हिडीओच पाठवला. एखाद्याचं अन्न चोरणं आणि नंतर हसणं हे किती लज्जास्पद आहे,' अशा शब्दात ती व्यक्त झाली आहे.
हेही वाचा - सोंगी भजनाच्या माध्यमातून शांतारामबापूंनी घडवले दत्तदर्शन...
गौतमीने हे फूड स्विगि वरुन मागवलं होतं. त्यामुळे तिने स्विगिलाही पोस्टमध्ये टॅग केलं आहे. गौतमीच्या या पोस्टची सध्या बरीच चर्चा आहे. तिचे चाहतेही आपापले अनुभव शेयर करत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
