![kangana ranaut and karan johar](http://media.assettype.com/esakal%2F2023-02%2F46ca3e6e-7326-4d6a-9b19-1a0f3a0133fa%2FNews_Photos__18_.jpg?w=480&auto=format%2Ccompress&fit=max)
अक्षय कुमारचा 2023 मधील पहिला रिलीज झालेला चित्रपट 'सेल्फी'ला ओपनिंगच्या दिवशीच खूप थंड प्रतिसाद मिळाला आहे. या चित्रपटाची आतुरतेने वाट पाहिली जात होती पण रिलीज झाल्यानंतर 'सेल्फी' प्रेक्षकांना आवडला नाही आणि या चित्रपटाचे ओपनिंग डे कलेक्शनही खूपच कमी होते. अशा परिस्थितीत बॉलिवूड अभिनेत्री कंगनाने अक्षय कुमारच्या सेल्फीवर निशाणा साधत त्याला 'फ्लॉप' म्हटलं आहे.
कंगनाने तिच्या इंस्टाग्राम हँडलवर चित्रपट निर्माता करण जोहरच्या सह-निर्मित चित्रपट सेल्फीला खूप ट्रोल केले आहे. अक्षय कुमार आणि इमरान हाश्मी यांच्या प्रमुख भूमिका असलेल्या या चित्रपटाचे दिग्दर्शन 'गुड न्यूज' फेम राज मेहता यांनी केले आहे.
त्याचवेळी सेल्फीच्या बॉक्स ऑफिस रिपोर्टमध्ये कंगनाची तुलना अक्षयसोबत करण्यात आली होती. आयपी रिपोर्टवर प्रतिक्रिया देताना कंगनाने करण जोहरची खिल्ली उडवली.
अप्रत्यक्षपणे तिच्या शेवटच्या रिलीज झालेल्या 'धाकड'च्या पहिल्या दिवसाच्या व्यवसायाची तुलना 'सेल्फी'शी करताना कंगनाने लिहिले, "करण जोहरच्या 'सेल्फी' चित्रपटाने पहिल्या दिवशी केवळ 10 लाखांची कमाई केली आहे, मला एकही व्यापारी किंवा मीडिया व्यक्ती याबद्दल बोलताना दिसत नाही. ते ज्या प्रकारे माझा छळ करतात त्याची थट्टा करणे किंवा धमकावणे विसरून जा...”.
तिच्या पुढच्या पोस्टमध्ये कंगनाने एक आर्टिकल पुन्हा शेअर केला आहे. या आर्टिकलचे टायटल होते, "कंगनाची पुरुष आवृत्ती!" ते घेत, अभिनेत्रीने लिहिले, "मी सेल्फी फ्लॉपबद्दल बातम्या शोधत होते त्यामुळे मला जे काही सापडले ते माझ्याबद्दलच होते... ही सुद्धा माझीच चूक होती, वाह भाई करण जोहर वाह (अभिनंदन)."
कंगनाने पुढे लिहिले आहे की, “सेल्फीच्या अपयशासाठी मला आणि अक्षय सरांना दोष देणारे लेख भरलेले आहेत, करण जोहरचे नाव कुठेही घेतलेले नाही. अशाप्रकारे माफिया बातम्यांमध्ये फेरफार करतात.
'सेल्फी' हा मल्याळम चित्रपट 'ड्रायव्हिंग लायसन्स'चा अधिकृत हिंदी रिमेक आहे. पृथ्वीराज आणि सूरज वेंजारामूडू मूळ चित्रपटात होते. त्याच्या भूमिका अक्षय कुमार आणि इमरान हाश्मी यांनी सुपरस्टार आणि पोलिस म्हणून पुन्हा केल्या आहेत. या चित्रपटात नुसरत भरुचा आणि डायना पेंटी यांच्याही भूमिका आहेत.
करण जोहरच्या धर्मा प्रॉडक्शनने मॅजिक फ्रेम्स, पृथ्वीराज प्रॉडक्शन, केप ऑफ गुड फिल्म्स आणि स्टार स्टुडिओ यांच्या संयुक्त विद्यमाने याची निर्मिती केली आहे. 'सेल्फी'च्या ओपनिंग डे कलेक्शनबद्दल बोलायचे झाले तर, चित्रपटाने फारच कमी कमाई केली आहे.
चित्रपटाच्या सुरुवातीच्या आकडेवारीनुसार, 'सेल्फी' रिलीजच्या पहिल्या दिवशी केवळ 3 कोटींचा व्यवसाय करू शकला आहे. चित्रपटाची पहिल्या दिवसाची कमाई पाहता अक्षयचा हा चित्रपटही फ्लॉप असल्याचे बोलले जात आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.