Madhuri Dixit: महिलांनो! माधुरी दीक्षितसोबत मकरसंक्रांत साजरी करायचीय? मग आताच करा ही गोष्ट

Madhuri Dixit News: स्वतःच्या सौंदर्याने आणि अभिनयाने लाखो लोकांच्या मनावर राज्य करणारी अभिनेत्री म्हणजे माधुरी दीक्षित. माधुरी सध्या पंचक सिनेमामुळे चांगलीच चर्चेत आहे. पंचक या मराठी सिनेमाती निर्मिती माधुरीने केलीय.

माधुरी सध्या पंचकच्या प्रमोशनमध्ये चांगलीच व्यस्त आहे. यानिमित्ताने माधुरीने तिच्या चाहत्यांसाठी एक खास संधी आणलीय. महिलावर्गाला माधुरीला भेटण्याची संधी मिळणार आहे. कसं? आम्ही सांगतो.

मराठमोळ्या माधुरी दीक्षितला भेटण्याची इच्छा अनेकांना असते. आता हे स्वप्न ‘पंचक’च्या माध्यमातून लवकरच पूर्ण होणार आहे.

कारण स्वतः माधुरी दीक्षित यांनी सांगितलं आहे की, “खूप छान वाटते, जेव्हा चाहते माझ्या अभिनयाचे, नृत्याचे आणि हास्याचे कौतुक करतात. अनेक जण मेसेजेस करतात, अनेक जण भेटण्याची इच्छा व्यक्त करतात. परंतु या सगळ्यांना भेटणे शक्य होत नाही. त्यामुळेच आमचा ‘पंचक’ चित्रपट नवीन वर्षात ५ जानेवारी प्रदर्शित होत आहे. या निमित्ताने आम्ही हळदी कुंकू समारंभाचे आयोजन केले आहे. जेणे करून मी माझ्या मैत्रिणींना भेटू शकेन.

माधुरी पुढे म्हणाली, "यावेळी महाराष्ट्रातील निवडक १०१ मैत्रिणींना मी ठाण्यात भेटून, त्यांच्यासोबत हळदी कुंकू साजरे करणार आहे. मात्र यासाठी तुम्हाला एकच गोष्ट करावी लागणार आहे. ‘पंचक’ या चित्रपटाचे तिकीट बुक करून चित्रपटगृहात जाऊन आपला आणि तिकिटाचा फोटो काढून ‘पंचक’च्या अधिकृत इंस्टाग्राम किंवा फेसबुक पेजवर शेअर करायचा आहे आणि त्यानंतर तुम्हाला संधी मिळणार आहे, माझ्या आणि ‘पंचक’मघील खोतांच्या घरातील महिलांसोबत हळदी कुंकू समारंभ साजरा करण्याची. तर मग भेटुयात लवकरच."

‘पंचक’ या चित्रपटाची निर्मिती डॅा. श्रीराम नेने आणि माधुरी दिक्षित नेने यांनी केली असून राहुल आवटे आणि जयंत जठार या चित्रपटाचे दिग्दर्शक आहेत.

या सिनेमात आदिनाथ कोठारे, दिलीप प्रभावळकर, भारती आचरेकर, आनंद इंगळे, तेजश्री प्रधान, सतीश आळेकर, नंदिता पाटकर, सागर तळाशीकर, संपदा कुलकर्णी, आशिष कुलकर्णी, दिप्ती देवी, विद्याधर जोशी, आरती वडगबाळकर, गणेश मयेकर हे प्रमुख भूमिकेत आहेत.

चित्रपटाचे लेखन राहुल आवटे यांनी केले आहे. पंचक ५ जानेवारी २०२४ ला सिनेमागृहात प्रदर्शित होणार आहे.