जुन्या गाण्यांची गोष्टच वेगळी आहे. ७० आणि ८० च्या दशकातील गाणी ऐकण्यासाठी चाहते अजूनही उत्सुक आहेत. दरम्यान, इंडियन आयडॉल 13 ने चाहत्यांच्या अशाच काही आठवणींना उजाळा दिला आहे. ज्येष्ठ अभिनेत्री मुमताज शोच्या आगामी भागात दिसणार आहे. इतकंच नाही तर शोमध्ये त्या त्यांच्या कोई शेहरी बाबू या हिट गाण्यावर डान्स करताना दिसणार आहे, प्रोमो पाहून चाहते उत्सुक आहेत.
काही तासांपूर्वी इंडियन आयडॉल 13 च्या आगामी भागाचा प्रोमो रिलीज झाला आहे. यामध्ये 1970 च्या दशकातील ज्येष्ठ अभिनेत्री मुमताज लोफर मधील कोई शहरी बाबू या हिट गाण्यावर नाचताना दिसत आहेत. प्रोमोमध्ये, मुमताज इंडियन आयडॉलच्या स्पर्धकांसोबत काळ्या रंगाचा ड्रेस घालून आणि सोनेरी बांगड्या घालून स्टेजवर नाचताना दिसत आहेत.
व्हिडिओला कॅप्शन दिले आहे की, मुमताज जीने त्यांच्या नॉस्टॅल्जिक मूव्ह्सने आयडॉलचा माहोल बदलला. 50 वर्षांनंतर अभिनेत्रीचा हा डान्स व्हिडिओ पाहून चाहत्यांना अभिनेत्रीचा चित्रपट आठवला. त्याच वेळी, चाहते व्हिडिओवर जोरदार कमेंट करताना दिसत आहेत. इतकंच नाही तर कमेंटमध्ये भरपूर हार्ट इमोजी आहेत.
मुमताज मूळच्या इराणच्या असून त्यांनी अनेक बॉलिवूड हिट चित्रपटांमध्ये काम केले आहे. ब्रह्मचारी (1968), राम और श्याम (1967), आदमी और इंसान (1969) आणि खिलौना (1970) यासारख्या अनेक हिट चित्रपटांमध्ये त्यांनी काम केलं आहे. चाहत्यांना अजूनही त्यांची गाणी आणि चित्रपट पाहण्यास आवडतात.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
