सबस्क्राईब करा
Pooja Hegde Death Threat News Update: बॉलिवूडमधली प्रसिद्ध अभिनेत्री पूजा हेगडे सध्या चांगलीच चर्चेत आहे. पूजाला आपण आजवर विविध सिनेमांमधून अभिनय करताना पाहिलंय. पूजा हेगडेला जीवे मारण्याची धमकी मिळाल्याची बातमी चांगलीच व्हायरल झाली. त्यामुळे सर्वांना धक्का बसला. आता या सर्व प्रकरणावर अभिनेत्रीच्या टीमने खुलासा केलाय. काय म्हणाली पूजाची टीम बघा.
पूजाच्या टीमने सांगितले की, "ही फेक न्यूज कोणी सुरू केली हे आम्हाला माहित नाही. ही पूर्णपणे खोटी माहिती आहे." पूजाने अद्याप याबाबत मौन सोडलेले नाही आणि याबाबत कोणतेही अधिकृत वक्तव्य जारी केलेले नाही. अभिनेत्रीच्या टीमने हे निवेदन दिल्याने पूजाच्या चाहत्यांना दिलासा मिळालाय. (Is the threat received to Pooja true or false?)
काल विरल भयानीने दिलेल्या वृत्तानुसार, पूजा दुबईला एका क्लबच्या उद्घाटनासाठी गेली होती. पण तिथे तिचा जोरदार वादा झाला. या वादानंतर पूजाला जीवे मारण्याच्या धमक्या मिळणं सुरु झालं, असं सांगण्यात आलं.
हा वाद नेमका कशावरुन झाला हे मात्र अद्याप कळू शकलं नाही. सध्या पूजाने भारतात परतण्याचा निर्णय घेतलाय. पूजा हेगडेच्या टीमकडून अधिकृत निवेदनाची सर्वांना प्रतीक्षा आहे. ही बातमी ऐकताच पूजाच्या चाहत्यांनी तिच्यासाठी काळजी दर्शवली आहे. (Report of threat received to Pooja)
पूजाच्या आगामी सिनेमांबद्दल सांगायचं तर पूजा हेगडे शेवटची सलमान खानसोबत 'किसी का भाई किसी की जान'मध्ये दिसली होती. या वर्षी एप्रिलमध्ये रिलीज झालेल्या या चित्रपटाला संमिश्र प्रतिसाद मिळाला. हा चित्रपट भारतीय बॉक्स ऑफिसवर छाप सोडण्यात अपयशी ठरला. पूजा आता आगामी 'देवा' सिनेमात अभिनय करणार आहे. या सिनेमात तिच्यासोबत शाहिद कपूर झळकणार आहे. हा चित्रपट पुढच्या वर्षी 11 ऑक्टोबरला सिनेमागृहात दाखल होणार आहे.(Pooja's Upcoming Movies)
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
