Pooja Sawant: स्वानंदीनंतर पूजा सावंतच्या साखरपूड्याची चर्चां रंगली! शेवटी खुलासा करत म्हणाली..

Pooja Sawant: सध्या मराठी मनोरंजन विश्वात सर्वत्र लग्नाचे वारे वाहत आहेत. नुकतचं स्वानंदी टिकेकर आणि आशिष कुलकर्णी त्याचं नातं जाहिर करत दोन दिवसांतच साखरपुडा उरकला.

त्यानंतर आणखी एका कपलनं आपल्या नात्याला नाव दिलं. ते कपल म्हणजे बिग बॉस फेम प्रसाद आणि अमृता देशमुख यांनी देखील गुपचूप साखरपुडा केला आणि त्याचे फोटो शेयर करत चाहत्यांना सुखद धक्का दिला.

त्यानंतर दोघांनी लग्नाची तारिखही सांगितली. हे कपल 18 नोव्हेंबरला लग्नबंधनात अडकणार आहे.

त्यातच आता आणखी एका मराठमोळ्या अभिनेत्रीच्या साखरपूड्याच्या चर्चांना उधाण आले होते. मराठी मनोरंजन विश्वातील लोकप्रिय कलरफुल अभिनेत्री पूजा सांवत हिने देखील गुपचूप साखरपुडा उरकल्याच्या बातम्या वाऱ्यासारख्या पसरल्या.

त्याच झालं असं की, काही दिवसांपुर्वी पूजानं तिच्या इंस्टाग्रामवर तिचे काही ग्लॅमरस फोटो शेयर केले होते. या फोटोत ती नेहमी प्रमाणे तिची स्टाईल दाखवत आहे. ती खुपच सुंदर दिसतेय.

मात्र या फोटोत नेटकऱ्यांना तिच्या हातात एक रिंग दिसली. तिच्या रिंग फिंगरमध्ये अंगठी दिसल्याने पूजानेही एंगेजमेंट केल्याच्या बातम्या इतक्या वाढल्या की शेवटी पूजानेच यावर प्रतिक्रिया दिली आहे.

एका वृत्त संस्थेला दिलेल्या मुलाखतीत पूजा या विषयावर बोलली. पूजा म्हणाली की, असं काही नाही. तिने अंगठी उजव्या हातात घातली आहे.

तिचा साखरपुडा झालेला नाही. तिला देखील ही बातमी खुप उशिरा कळाली. इतकंच नाही तर ती पुढे म्हणते की, साखरपुडा करण्यासाठी आयुष्यात कोणीतरी हवं..

आता यावरुन कळत की, या सर्व निरर्थक अफवा आहेत. यात काही सत्यता नाही. पूजा ही सिंगल आहे. तिच्या आयुष्यात सध्या कुणी नाही.

पूजा सोशल मिडियावर खुप सक्रिय असते. ती तिच्या चाहत्यांसोबत कनेक्ट असते. तिने अनेक चित्रपटाच्या माध्यमातुन चाहत्यांचं मनोरंजन केलं आहे.

पूजाने दगडी चाळ, बोनस, क्षणभर विश्रांती, भेटली तू पुन्हा असे अनेक चित्रपट केले आहेत. त्याचबरोबर लपाछपी, विजेता, नीलकंठ मास्तर अशा सिनेमांमधूनही तिने अभिनय केलाय. ती लवकरच मुसाफिरा या चित्रपटात दिसणार आहे.