फँड्रीतल्या 'शालू'ला थेट बॉलिवूडचं तिकीट; राजश्री झळकणार 'या' चित्रपटात

पुणे : ‘फँड्री’ (Fandry Movie) या बहुचर्चित चित्रपटातून घरोघरी पोहचलेली अभिनेत्री राजश्री खरातला (Actress Rajshree Kharat) बॉलिवूडचं तिकीट मिळालं आहे. 'पुणे टू गोवा' चित्रपटातून (Pune to Goa Movie ) राजश्री बॉलिवूडमध्ये (Bollywood) पदार्पण करत असून या अगोदर राजश्रीनं फँड्री, आयटमगिरी अशा मराठी चित्रपटातून अभिनय केला होता.

अमोल भगत (Amol Bhagat) दिग्दर्शित 'पुणे टू गोवा' या चित्रपटात राजश्री दिसणार आहे. याचबरोबर आदित्यराजे मराठे देखील बॉलिवूडमध्ये पदार्पण करत आहेत. या हिंदी चित्रपटाची निर्मिती आदित्यराजे मराठे प्रॉडक्शन (Adityaraje Marathe Production) आणि मोरया प्रॉडक्शन हाऊस (Moraya Production House) यांनी केली असून हा चित्रपट कॉमेडी, सस्पेन्स, थ्रिलर आणि ॲक्शन रसिकांना पाहता येणार आहे.

हा चित्रपट वास्तविक आयुष्यात संघर्ष करणार्‍या कलाकारांच्या पुणे ते गोव्याच्या प्रवासावर आधारित आहे; पण या कथेतून अनेक रोमांचक अनुभव, रहस्यमय घटना आणि प्रवासादरम्यान येणार्‍या धोकादायक परिस्थितींवर प्रकाश टाकण्यात आला आहे, अशी माहिती चित्रपटाचे दिग्दर्शन अमोल भगत यांनी दिली.