varsha usgaonkar: मराठी मनोराज विश्वातिल एक दिग्गज अभिनेत्री म्हणजे वर्षा उसगांवकर. गेली कित्येक वर्षे चित्रपत्र, मालिका, नाटक या माध्यमातून त्या आपले मनोराज करत आहेत. त्यांच्या फिटनेसची प्रचंड चर्चा असते. वयाच्या 55 व्या वर्षीही त्यांनी स्वतःला मेंटेन ठेवले आहे.
त्या सोशल मिडियावरही प्रचंड सक्रिय असतात. सध्या त्या स्टार प्रवाह वाहिनीवरील ‘सुख म्हणजे नक्की काय असतं’ या मालिकेत नंदिनी शिर्के पाटील ही भूमिका साकारत आहे. त्यांची ही भूमिका प्रचंड लोकप्रिय आहे.
नुकताच त्यांनी स्वतःची गाडी सोडून चक्क लोकल प्रवास केला. त्यांच्या चाहत्यांसाठी आणि प्रवाशांसाठी हा मोठा सुखद धक्का होता. त्याचे फोटो वर्षा उसगावकर यांनी शेयर केले आहेत.
(actress Varsha Usgaonkar travel in mumbai local train)
मनोरंजनविश्वातील कलाकार सहसा जनमानसात येत नाहीत. चित्रीकरण, इव्हेन्ट यामध्ये कायम वैयक्तिक वाहनाचाच ते वापर करतात. पण कधीतरी काही प्रसंगांमुळे किंवा सहजच अनुभव म्हणून काही कलाकार सार्वजनिक वाहनाने प्रवास करतात. या प्रवासात आलेले अनुभव आणि त्याचे फोटोही कलाकार आवर्जून शेअर करतात.
अभिनेता नवाजउद्दीन सिद्दीकी, सोनू सुद, सोनाली कुलकर्णी अशा अनेक कलाकारांनी गेल्या काही दिवसात लोकल प्रवास केला आहे. त्यात आता एका दिग्गज अभिनेत्रीची भर पडली आहे. अभिनेत्री वर्षा उसगावकर यांनीही लोकल ट्रेनने प्रवास करत फोटो शेयर केले आहेत.
यावेळी त्या मुंबईच्या लोकल ट्रेन मध्ये दिसत आहेत. विशेष म्हणजे हा महिला दबा असून गर्दीने तुडुंब भरलेला आहे. वर्षा उसगावकर स्वतः उभं राहून प्रवास करत आहेत. विशेष म्हणजे त्यांच्या तोंडावर कोणताही मास्क नाही. त्या खुलेपणाने लोकलमध्ये वावरल्या. त्यामुळे प्रवाशांनाही त्यांच्यासोबत मनसोक्त फोटो काढता आले. हे सगळे फोटो वर्षा यांनी आपल्या instagram स्टोरीला शेयर केले आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.