Adipurush: हनुमानाच्या शेजारच्या सिटसाठी अधिक पैसे? आदिपुरुषच्या निर्मात्यांनी सोडलं मौन

Adipurush Movie News: आदिपुरुष सिनेमा अवघ्या काहीच दिवसात प्रेक्षकांच्या भेटीला येतोय. आदिपुरुष सिनेमाची चर्चा गेली अनेक वर्ष सुरु आहे. ओम राऊत दिग्दर्शित आदिपुरुष सिनेमाची उत्सुकता देशभरात नव्हे तर जगभरात मोठ्या प्रमाणावर आहे. आदिपुरुषचे निर्माते सिनेमा जास्तीतजास्त लोकांपर्यंत पोहचवण्यासाठी विविध शक्कल लढवत आहेत. अशातच आदिपुरुष सिनेमाबद्दल एक मोठी अफवा समोर आलीय. त्या अफवेला निर्मात्यांनी उत्तर दिलंय.

काय आहे ही अफवा:

आदिपुरुष संदर्भात नुकतीच अशी बातमी आली होती की, निर्मात्यांनी प्रत्येक थिएटरमध्ये हनुमानजींसाठी एक जागा राखीव ठेवण्याची घोषणा केली होती. यानंतर सोशल मीडियावर अशा बातम्या येत आहेत की, ज्याला या राखीव सीटच्या शेजारी बसायचे असेल त्याला जास्त रक्कम मोजावी लागेल. यावर टी-सीरीजने सोशल मीडियावर एक पोस्ट शेअर केली असून या दाव्यांमध्ये किती तथ्य आहे हे उघड केले आहे.

निर्मात्यांचा खुलासा:

सोशल मीडियावर पोस्ट शेअर करताना निरामटे T-Series ने लिहिले की, फसवणुकीचा इशारा... आदिपुरुषच्या तिकिटाच्या किमतीबाबत मीडियामध्ये काही दिशाभूल करणारी वृत्त फिरत आहेत. आम्‍हाला हे स्‍पष्‍ट करायचे आहे की, हनुमानजींच्‍या राखीव आसनाच्या शेजारच्‍या सीट दरात कोणताही फरक पडणार नाही. T-Series ने पुढे लिहिले, "चुकीच्या बातम्यांना बळी पडू नका... जय श्री राम." अशाप्रकारे आदिपुरुषच्या निर्मात्यांनी हनुमानासाठी जी सीट राखीव ठेवली आहे, त्याच्या बाजूच्या सीटची रक्कम सामान्यच असणार आहे..

एक सीट हनुमानसाठी:

आदिपुरुष प्रदर्शित होण्याच्या काही दिवस आधी एक मोठी घोषणा करण्यात आलीय. आदिपुरुष चित्रपटगृहात जिथे चित्रपट प्रदर्शित होत आहे तिथे एक सीट राखीव ठेवण्यात येईल असे ठरवण्यात आले आहे. म्हणजे संपूर्ण शो दरम्यान एक जागा रिकामी असेल.

अशी श्रद्धा आहे की, जिथे रामायणाचा उल्लेख आहे तिथे हनुमानाचा वास असतो. या विश्वासाला पाठिंबा देत निर्मात्यांनी प्रत्येक चित्रपटगृहात बजरंगबलीच्या नावाने एक जागा राखीव ठेवण्याचा निर्णय घेतला आहे. निर्मात्यांना त्यांचा चित्रपट भगवान हनुमानांसमोर प्रदर्शित करायचा आहे