Advance Booking : विक्रम वेधाची ७,८४३ तिकिटे विकली गेली; तब्बल इतकी कमाई

सकाळ डिजिटल टीम

Vikram Vedha Advance Booking News हृतिक रोशन (Hrithik Roshan) आणि सैफ अली खानचा विक्रम वेधा चित्रपटासाठी ॲडव्हान्स बुकिंग (Advance Booking) सुरू झाली आहे. हृतिक तीन वर्षांनी मोठ्या पडद्यावर परतणार आहे. हृतिक आणि सैफ अली खानच्या (Saif Ali Khan) या चित्रपटाच्या हिट ट्रेलरने जगभरातील प्रेक्षकांमध्ये खळबळ उडवून दिली आहे. चित्रपटासाठी देशभरातील प्रेक्षकांची क्रेझ पहिल्याच दिवशी चित्रपटासाठी केलेल्या आगाऊ बुकिंगवरून लक्षात येते.

विक्रम वेधाचा ट्रेलर आणि अल्कोहोलिया या गाण्याने प्रेक्षकांना चित्रपटासाठी खूप उत्सुक केले आहे. चित्रपटाला सुरुवातीच्या दिवशीच चांगला प्रतिसाद मिळू शकतो. कारण, चित्रपटाने केवळ आगाऊ बुकिंगद्वारे लाखोंची कमाई केली आहे. चित्रपटाची सुमारे ७,८४३ तिकिटे विकली गेली आहेत. अशाप्रकारे प्रदर्शित होण्यापूर्वीच चित्रपटाने २४ लाखांपर्यंत कमाई केली आहे. तसेच आगाऊ बुकिंग (Advance Booking) अद्याप सुरू आहे.

चेन्नई, सूरत, बंगळुरू आणि हैदराबादमध्ये चित्रपटासाठी सर्वाधिक आगाऊ बुकिंग करण्यात आली आहे. चेन्नईमध्ये ३२ हजारांहून अधिक (५१.७९ हजार रुपये) तिकिटांची आगाऊ बुकिंग झाली आहे. सूरतमध्ये ५.१५ लाख तिकिटांचे (६.९१ लाख), हैदराबादमध्ये २.२४ लाख तिकिटांचे (२१.७८ लाख), बेंगळुरूमध्ये ९०.३५ हजार तिकिटांचे (३.४४ लाख) आगाऊ बुकिंग करण्यात आले आहे. चित्रपटाने आगाऊ बुकिंगमध्ये २४ लाखांची कमाई केली आहे. या शहरांव्यतिरिक्त देशभरातील इतर शहरांमध्येही चित्रपटासाठी चांगली आगाऊ बुकिंग सुरू आहे.

सर्वोच्च आंतरराष्ट्रीय वितरणाचा विक्रम

विक्रम वेधाची क्रेझ देशभरातच नाही तर जगभरात पाहायला मिळत आहे. विक्रम वेधा हा चित्रपट शंभरहून अधिक देशांमध्ये प्रदर्शित होणार आहे. देशभरात या चित्रपटाचे १,२५० मल्टिप्लेक्समध्ये ॲडव्हान्स बुकिंगही सुरू आहे. आगाऊ बुकिंगला मिळालेल्या चांगल्या प्रतिसादामुळे हा चित्रपट पहिल्या वीकेंडमध्ये १०० कोटी क्लबमध्ये प्रवेश करण्यात यशस्वी होऊ शकतो, असे म्हटले जात आहे.