छोट्या पडद्यावरील लोकप्रिय मालिका 'साथ निभाना साथियाँ' saath nibhana saathiya मध्ये गोपी बहू ही भूमिका साकारणारी अभिनेत्री देवोलिना भट्टाचर्जीने (Devoleena Bhattacharjee) तिच्या वाढदिवशी सोशल मीडियावर काही फोटो, व्हिडीओ शेअर केले होते. या फोटोमध्ये देवोलिना पिवळ्या रंगाच्या बिकिनी लूकमध्ये दिसत आहे. देवोलिनाच्या या लूकला काही नेटकऱ्यांची पसंती मिळाली तर काहींनी तिच्या फोटोवर कमेंट करून तिला ट्रोल केले आहे.
देवोलिनाने सोशल मीडियावर बिकिनीवरील फोटो आणि डान्सचा व्हिडीओ शेअर केला होता. या फोटो आणि व्हिडीओवर कमेंट करत अनेकांनी तिला ट्रोल केले. एका नेटकऱ्याने कमेंट केले, 'गोपी बहू, हे तुला काय झालं' तर दुसऱ्या युझरने लिहिले, 'आता कोकिलाबेन तुझ्यावर रागावणार'. बिग बॉसमधून बाहेर पडल्यावर सगळे बिघडतात, असं म्हणत देवोलिनाला ट्रोल केलं.
2019 मध्ये देवोलिना 'बिग बॉस १३' मध्ये झळकली होती. या सिझनमधील देवोलिनाच्या बिनधास्त आणि बॉल्ड अंदाजाला प्रेक्षकांची पसंती मिळाली. 'साथ निभाना साथियाँ' या मालिकेच्या दुसऱ्या सिझनच्या प्रमोशनदरम्यानही ती प्रेक्षकांच्या भेटीला आली होती. अभिनय क्षेत्रात पदार्पण करण्यापूर्वी देवोलिना ही ज्वेलरी डिझाइनरची नोकरी करत होती. तिने 'डान्स इंडिया डान्स २' या रिअॅलिटी शोसाठी ऑडिशनसुद्धा दिलं होतं. मात्र २०१२ मध्ये तिने 'गोपी बहू'ची भूमिका साकारली आणि तिथून तिला तुफान प्रसिद्धी मिळाली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
