ऐश्वर्या राय-बच्चन(Aishwarya Rai-Bachchan) ही केवळ उत्तम अभिनेत्रीच नाही तर एक चांगली सून,बायको आणि त्याहीपेक्षा अधिक ती जबाबदार आई आहे. आराध्याप्रतीचं तिचं प्रेम,काळजी ब-याचदा सार्वजनिक ठिकाणीही पाहायला मिळाली आहे. आराध्यासाठी तिने अनेक सिनेमे नाकारले ही गोष्टही लपून राहिलेली नाही. लॉकडाऊनच्या दरम्यान शुटिंगला जाताना ब-याच ठिकाणी ती आराध्याला सोबतही घेऊन गेली होती. ती तिच्यासाठी खूप 'ओव्हर प्रोटेक्टिव्ह' आहे असंही ब-याचदा म्हटलं जातं.
नुकताच आराध्याचा दहावा वाढदिवस साजरा करण्यासाठी ऐश्वर्या आणि अभिषेक तिला घेऊन मालदीवला गेले होते. तिथले धमाल फोटो आणि व्हिडीओ सोशल मीडियावर शेअर केल्यानंतर अनेकांनी त्यांच्यावर लाइक्सचा वर्षाव केला. मालदीवहून हे तिघे परतले तेव्हाचा एअरपोर्टवरचा एक व्हिडीओ सध्या व्हायरल होतोय. ज्या व्हिडीओत आपल्या लाडक्या आराध्याला ऐश्वर्या टोकताना दिसतेय. खरं तर आराध्या आईचा हात पकडून मस्त कॅटवॉक करताना दिसतेय. पण सार्वजनिक ठिकाणी कसं वागायचं,चालायचं या उद्देशाने ऐश्वर्याने तिला तसं चालण्यास नकार दिला.
ऐश्वर्या मणिरत्नम यांच्या 'पोन्नियीन सेल्वन1' या सिनेमात लवकरच आपल्याला दिसणार आहे. तर दुसरीकडे अभिषेक बच्चनही 'बॉब बिस्वास' या सिनेमात एका वेगळ्या भूमिकेतून आपल्याला दिसणार आहे. या भूमिकेसाठी अभिषेकने आपले वजन तब्बल 100 ते 105 किलो केले होतेे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
