अभिनेता नव्हे तर 'बाप' बोलला! अजय देवगणचा मुलीबाबत मोठा खुलासा

बॉलीवूड अभिनेता अजय देवगणची(Ajay Devgan) मुलगी नीसा देवगणने अद्याप बॉलीवूडमध्ये एन्ट्री केलेली नसली तरी ती या झगमत्या लाइमलाइट भाग मात्र अनेकदा बनलेली दिसते. अजय देवगण सध्या आपल्या रनवे 34 या सिनेमामुळे चर्चेत आहे. काही दिवसांपूर्वीच तो आपल्या सिनेमाच्या प्रमोशनसाठी दिल्लीला गेला होता. आणि त्याच दरम्यान एका मुलाखतीमध्ये त्यानं मुलगी न्यासा देवगणच्या बॉलीवूडमध्ये येण्यासंदर्भात मोठं भाष्य केलं आहे.

मुलाखतीत अजय देवगण म्हणाला की, मला नाही माहित न्यासाला या क्षेत्रात यायचं आहे की नाही. आतापर्यंत तरी न्यासानं फिल्मइंडस्ट्रीत येण्यासाठी उत्सुकता दाखवलेली नाही. ती सध्या परदेशात शिकत आहे. पण मुलांचं मन कधीही बदलू शकतं. बघूया पुढे जाऊन काय असेल तिचा नर्णय ते कळेलच. न्यासा देवगण अनेकदा फॅशन डिझायनरसाठी रॅम्प वॉक करताना दिसते. काही दिवसांपूर्वीच तिनं फॅशन डिझायवनर मनिष मल्होत्रासाठी रॅम्प वॉक केलं होतं. आणि त्यानंतर खरंतर न्यासा देवगण बॉलीवूडमध्ये येणार अशा बातम्यांना ऊत आला होता. अर्थात अजय देवगण किंवा काजोलने कधीच या बातम्यांचं समर्थन केलं नाही. पण आता पहिल्यांदाच अजय देवगण न्यासाच्या बॉलीवूड डेब्यूविषयी उत्स्फुर्तपणे बोलला आहे. सोशल मीडियावरही न्यासाचे स्टायलिश फोटो पाहून तिच्या फॅन फॉलॉइंगमध्ये दिवसागणिक वाढ होताना दिसत आहे.

अजय देवगणचा रनवे 34 या सिनेमाविषयी बोलायचं झालं तर हा सिनेमा २९ एप्रिल रोजी सिनेमागृहात प्रदर्शित होत आहे. या सिनेमात त्याच्यासोबत अमिताभ बच्चन आणि रकुलप्रीक सिंग मुख्य भूमिकेत दिसणार आहेत. याच दिवशी टायगर श्रॉफचा हिरोपंती 2 सुद्धा प्रदर्शित होत आहे. बॉक्सऑफिसवर झालेल्या टक्कमध्ये कोणता सिनेमा बाजी मारतो हे पहायचं. अर्थात इथे अजय देवगणचं पारडं जड आहे यात शंकाच नाही.