Shaitaan Movie Announcement: सध्या बॉलिवूडमध्ये विविध विषयांवरचे सिनेमे लोकांच्या भेटीला येत आहेत. जानेवारीत 'में अटल हू', 'फायटर' तर फेब्रुवारीत शाहिद कपूरचा 'तेरी बातों में उल्झा जिया' हे सिनेमे प्रदर्शित होणार आहेत.
अशातच आणखी एका मराठी सिनेमाची घोषणा झालीय. हा आगामी सिनेमा रहस्यमयी थ्रिलर असल्याची घोषणा आहे. तो सिनेमा म्हणजे 'शैतान'.
शैतान जागृत होतोय! अजय देवगण, आर माधवन आणि ज्योतिका स्टारर, एज-ऑफ-द-सीट सुपरनॅचरल थ्रिलर शैतान! एक आकर्षक कथा जी तुम्हाला भारतातीत काळ्या जादूच्या घटकांसह भयावह प्रवासात घेऊन जाईल. #शैतान, असं कॅप्शन देत या सिनेमाची घोषणा करण्यात आलीय.
जिओ स्टुडिओ, देवगण फिल्म्स आणि पॅनोरमा स्टुडिओज प्रस्तुत, शैतानची निर्मिती अजय देवगण, ज्योती देशपांडे, कुमार मंगत पाठक आणि अभिषेक पाठक यांनी केली आहे आणि विकास बहल दिग्दर्शित आहे.
'क्वीन' सिनेमातून लोकांच्या पसंतीस उतरलेले दिग्दर्शक विकास बहल या सिनेमातून पुन्हा एकदा दिग्दर्शनाची धूरा सांभाळणार आहे. या सिनेमाचं पोस्टर बघून अनेकांनी तुंबाड सिनेमाशी शैतानशी तुलना केलीय.
या सिनेमाच्या निमित्ताने आर. माधवन आणि अजय देवगण पहिल्यांदाच एकत्र काम करत आहेत. हा सिनेमा ८ मार्च २०२४ ला रिलीज होणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
